ءمينيستردىڭ ايتۋىنشا, بۇل يدەيا پرەزيدەنت قاسىم-جومارت توقاەۆتىڭ تۇركياعا مەملەكەتتىك ساپارى اياسىندا باستالعان.
«وسى ەلدىڭ بىرقاتار كومپانياسىمەن كەلىسسوزدەر جۇرگىزىپ, وتاندىق IT-كومپانيالاردى تانىستىرعان بولاتىنمىن. سولاردىڭ ءبىرى – باۋىرلاس ەلدىڭ نارىعىندا ونلاين-ساۋدا بويىنشا كوشباسشى كومپانيا سانالاتىن Trendyol بولاتىن. Trendyol – تۇركيا اۋماعىندا ينتەرنەت-دۇكەن ارقىلى, ياعني وزدەرىنىڭ ەلەكتروندى پلاتفورماسى ارقىلى تاۋار جەتكىزۋمەن جانە ساتۋمەن اينالىسادى (كۇنىنە شامامەن 1,5 ملن تاۋار ساتادى). Trendyol-دى تۇركيادا جەرگىلىكتى Amazon نەمەسە Alibaba دەپ اتايدى. كومپانيانىڭ قۇنى شامامەن 16 ملرد دوللار قارجىنى قۇرايدى», دەيدى ب.مۋسين.
ونىڭ ايتۋىنشا, ساپار كەزىندە ولاردىڭ تاۋارىن قازاقستانعا جەتكىزۋ ماسەلەسى بويىنشا لوگيستيكا جاعدايى پىسىقتالعان. سايكەسىنشە, قازاقستاندىق تاۋارلاردى اتالعان ماركەتپلەيس كومەگىمەن تۇركيا نارىعىنا شىعارۋ تۋرالى دا كەلىسىم جاسالعان.
«كوپتەگەن قازاقستاندىق Trendyol-مەن تانىس جانە كوبىنەسە دەلدالدار ارقىلى تاۋارلارعا تاپسىرىس بەرۋگە تىرىسادى. بۇل, ارينە, قازاقستاننان كەلگەن كليەنت ءۇشىن جەتكىزۋ مەرزىمى مەن باعاسىنا اسەر ەتەدى. ەندى, مىنە, بۇل باستاما تۇركيا رەسپۋبليكاسىنىڭ پرەزيدەنتى رەجەپ ەردوعاننىڭ قازاقستانعا ساپارى اياسىندا ءوز ناتيجەسىن كورسەتتى. بۇگىن ايماقتىق ماركەتپلەيستەرگە قىزمەت كورسەتەتىن قازاقستاندىق لوگيستيكالىق كومپانيالاردىڭ ءبىرى – Big Way KZ تۇركيالىق Trendyol كومپانياسىمەن ىنتىماقتاستىق تۋرالى كەلىسىمگە قول قويدى. Big Way KZ – وتاندىق نارىقتا لوگيستيكالىق تاۋار اينالىمىن جۇزەگە اسىرۋمەن اينالىسىپ كەلە جاتقان كومپانيا. ولاردىڭ شەتەلدىك نارىققا شىعۋىنا الەۋەتى ايتارلىقتاي زور. بىرلەسكەن كەلىسىمنىڭ ناتيجەسىندە ەندى قازاقستاندىق تاۋارلار تۇركيا نارىعىنا تىكەلەي, دەلدالسىز ساتىلادى», دەدى.
اتالعان باستامانىڭ الداعى ۋاقىتتا ناتيجەلى بولارىنا سەنىم بىلدىرگەن مينيستر وسى رەتتە تۇرىك تاراپىمەن كەلىسسوزدەر وتكىزۋگە قولداۋ كورسەتكەن قازاقستاننىڭ ىستانبۇلداعى باس كونسۋلدىعىنا جانە باس كونسۋل ءالىم بايەلگە ريزاشىلىعىن بىلدىرەتىنىن دە جەتكىزدى.
قازىر ەكى ەل اراسىندا ساۋدا-ەكونوميكالىق بايلانىستار ۇلكەن قارقىنمەن دامىپ كەلە جاتىر. مەملەكەتارالىق تاۋار اينالىمى 2022 جىلى 3,5 ملرد دوللاردى قۇراعان. ساراپشىلاردىڭ ايتۋىنشا, بۇل تسيفر ءالى جوعارى قارقىنمەن وسە تۇسەدى دەپ بولجانادى.
قازاقستان مەن تۇركيا وڭىرلىك جانە حالىقارالىق بايلانىستاردى بەرىك وركەندەتۋدە. قازىرگى تاڭدا ەكى ەل اراسىندا 140 ينۆەستيتسيالىق جوبا بويىنشا كەلىسىم بار. ولاردىڭ جالپى سوماسى – 6 ملرد دوللار.
