كەزدەسۋ بارىسىندا قازاقستان مەن قىرعىزستان اراسىنداعى مادەني-گۋمانيتارلىق بايلانىستاردى ودان ءارى دامىتۋ, ءوزارا ىنتىماقتاستىق اياسىن كەڭەيتۋ ماسەلەلەرى تالقىلاندى.
ەرلان قارين سوڭعى جىلدارى ەكى ەلدىڭ كوپتەگەن مادەني جانە عىلىمي جوبالاردى بىرلەسىپ جۇزەگە اسىرىپ جاتقانىن ايتتى. مۇنىڭ بارلىعى قازاق-قىرعىز قارىم-قاتىناستارىنىڭ ەرەكشە سيپاتىن جانە ءبىزدىڭ قىرعىزستانمەن ستراتەگيالىق سەرىكتەستىكتى نىعايتۋعا نيەتتى ەكەنىمىزدى كورسەتەتىنىن جەتكىزدى.
سونىمەن قاتار, قر مەملەكەتتىك كەڭەسشىسى پرەزيدەنت قاسىم-جومارت توقاەۆتىڭ باستاماسىمەن جۇزەگە اسىرىلىپ جاتقان ساياسي رەفورمالاردىڭ ءمانى مەن ماڭىزىنا توقتالدى. ونىڭ ىشىندە, كونستيتۋتسيالىق رەفورمالاردىڭ ەرەكشەلىگى, رەسپۋبليكالىق رەفەرەندۋم قورىتىندىلارى, الداعى سايلاۋلاردىڭ مازمۇنى جايىندا اتاپ ءوتتى.
سۋيۋنبەك كاسمامبەتوۆ قىرعىزستان تاراپى قازاقستاندا اتقارىلىپ جاتقان ساياسي رەفورمالاردى جوعارى باعالايتىنىن جانە ولاردىڭ ءساتتى جۇزەگە اسۋىنا تىلەكتەس ەكەندەرىن جەتكىزگەن.
قىرعىز رەسپۋبليكاسىنىڭ مەملەكەتتىك حاتشىسى اباي قۇنانباي ۇلىنىڭ 175 جىلدىق جانە مۇحتار اۋەزوۆتىڭ 125 جىلدىق مەرەيتويلارى كورشىلەس ەلدە كەڭ كولەمدە اتالىپ وتكەنىن ايتتى. بۇدان بولەك بيىل قازاق-قىرعىز ونەرپازدارىنىڭ قاتىسۋىمەن 19 ءىرى ءىس-شارا ۇيىمداستىرىلىپ, ەكى ەلدىڭ مادەني بايلانىسىنىڭ نىعايا تۇسكەنىن اتاپ ءوتتى.
