كەلىسىم مەملەكەتتەردىڭ ازاماتتارى ءبىرىنشى كەلگەن كۇننەن باستاپ ءاربىر 180 كۇندىك كەزەڭ ىشىندە ەكىنشى تاراپ مەملەكەتىنىڭ اۋماعىنا 30 كۇنگە دەيىن ۆيزاسىز كىرۋگە, شىعۋعا, ترانزيتپەن وتۋگە جانە ەلدە بولۋ مۇمكىندىگىن قاراستىرادى.
بۇل رەتتە ەكىنشى تاراپتىڭ مەملەكەتى اۋماعىندا 30 كۇننەن استام بولۋعا نيەت بىلدىرگەن ازاماتتار ونىڭ اۋماعىندا ەڭبەك نەمەسە كوممەرتسيالىق قىزمەتتى جۇزەگە اسىرۋعا نە وسى ەلدىڭ ديپلوماتيالىق وكىلدىگىنەن نەمەسە كونسۋلدىق مەكەمەسىنەن ءتيىستى ۆيزا الۋعا مىندەتتى.
كەلىسىمگە 2022 جىلدىڭ سوڭىنا دەيىن قازاقستان مەن بەليز سىرتقى ىستەر مينيسترلىكتەرىنىڭ باسشىلىعى قول قويادى دەپ جوسپارلانۋدا.
نەگىزدەمەدە قۇجاتقا قول قويۋ ەلدەر اراسىنداعى تىعىز ىنتىماقتاستىقتى نىعايتۋعا جانە ديپلوماتيالىق, قىزمەتتىك تولقۇجات يەلەرى ءۇشىن جەڭىلدەتىلگەن ۆيزاسىز ءتارتىپ ورناتۋعا مۇمكىندىك بەرەتىنى ايتىلعان.
بەليز – ورتالىق امەريكانىڭ شىعىس بولىگىندە, كاريب تەڭىزىنىڭ جاعالاۋىندا ورنالاسقان مەملەكەت. جاعالاۋ ايماعىندا جۇزدەگەن تومەن ورنالاسقان مارجان ارالدارى بار بەليز توسقاۋىل ءريفى ورنالاسقان. ەلدىڭ باتىسىندا, دجۋنگلي ايماعىندا مايا وركەنيەتىنىڭ كونە قالالارىنىڭ قيراندىلارى بار.
