«سوت كوبەنوۆتى كىنالى دەپ تانىپ, ونى مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ, ءۇش جىل مەرزىمگە باس بوستاندىعىنان ايىرۋ جازاسىن تاعايىندادى», دەپ حابارلادى اقتوبە وبلىستىق سوتىنىڭ ءباسپاسوز قىزمەتى.
ءىستى اقتوبە قالاسىنىڭ №2 سوتى قر قىلمىستىق كودەكسىنىڭ 190-بابى 3-بولىگىنىڭ 2-تارماعى (الاياقتىق) بويىنشا قارالدى.
«اقتوبە قالاسى اكىمى اپپاراتىنىڭ باسشىسى بولا تۇرا, ءوزىنىڭ قىزمەتتىك بابىن پايدالانا وتىرىپ, 2020 جىلعى ءساۋىر-تامىز ايلارىندا ءوزىنىڭ بۇرىنعى تانىسى ق-عا جەر تەلىمىن الىپ بەرەمىن دەپ الداپ, جالپى سوماسى 1 383 915 تەڭگە العانى انىقتالدى. سوت وتىرىسىندا سوتتالۋشى كىناسىن تولىق مويىندادى. دالەلدەمەلەر راستالدى», دەلىنگەن حابارلامادا.
