«قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى +/– 1 پ.ت. پايىزدىق دالىزىمەن جىلدىق 16%-عا دەيىن كوتەرۋ تۋرالى شەشىم قابىلدادى. تيىسىنشە, وتىمدىلىكتى ۇسىنۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە 17%, ال وتىمدىلىكتى الۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە – 15% بولادى», دەلىنگەن حابارلامادا.
ايتا كەتەيىك, 2022 جىلى ۇلتتىق بانك بازالىق مولشەرلەمەنى ءتورت رەت كوتەردى. العاشقىسى قاڭتار ايىندا بولدى. ول كەزدە ستاۆكا 10,25%-عا تەڭ ەدى. سوڭعى رەت 25 شىلدەدە 14,5% كوتەرىلدى.
