«قول قويىلعان كەلىسىم اسكەريلەردى ارميادان كەيىن الەۋمەتتەندىرۋدىڭ ءبىر مەحانيزمى. بىرىنشىدەن, جوعارى وقۋ ورىندارىنا وزدەرىن جاقسى جاعىنان كورسەتىپ, مۇقيات ىرىكتەۋدەن وتكەندەر كەلەدى. ەكىنشىدەن, وقۋ ورىندارىنا باراتىندار – ارميا مەكتەبىنەن وتكەن جاستار. مىقتى, ءتوزىمدى, ءتارتىپتى بالالار ستۋدەنتتەرگە باتىلدىق پەن دەربەستىكتىڭ ۇلگىسى بولادى», دەدى قورعانىس ءمينيسترى رۋسلان جاقسىلىقوۆ.
كافەدرا 50-دەن استام جوعارى وقۋ ورىندارىمەن اسكەري قىزمەتشىلەرگە ءبىلىم بەرۋ بويىنشا جەڭىلدىكتەر تۋرالى كەلىسىمدەر جاسادى. كەلىسىمدەر 2023 جىلدان باستاپ كۇشىنە ەنەدى.
قورعانىس مينيسترلىگى مۇنداي مۇمكىندىك اسكەري قىزمەتتىڭ بەدەلىن ارتتىرىپ, ازاماتتاردىڭ ونى وتەۋگە دەگەن ىنتاسىن ارتتىرادى دەپ ەسەپتەيدى. بۇل تۋرالى رەكتورلارمەن بولعان كەزدەسۋدە حابارلادى. جيىنعا قورعانىس مينيسترىنەن وزگە جوعارى وقۋ ورىندارىنىڭ رەكتورلارى, باس اسكەري پروكۋرور داستان سەكەنوۆ, عىلىم جانە جوعارى ءبىلىم ءمينيسترى ساياسات نۇربەك قاتىستى.
