اۋىل شارۋاشىلىعى مينيسترلىگى قايتارىلۋى 2022 جىلدىڭ سوڭىنا دەيىن جوسپارلانعان 5 ملن گا پايدالانىلماعان اۋىل شارۋاشىلىعى جەرلەرىن مەملەكەتتىك مەنشىككە قايتارۋ جوسپارىن مەرزىمىنەن بۇرىن ورىندادى. سونىمەن قاتار بۇگىنگى كۇنى جەر پايدالانۋشىلار بۇرىن تۇرىپ قالعان 1,8 ملن گا جەردى يگەرۋگە كىرىستى.
ايتا كەتەيىك, وسى جىلدىڭ وزىندە مينيسترلىكتىڭ جەر رەسۋرستارىن باسقارۋ كوميتەتىنىڭ رەسپۋبليكا بويىنشا اۋماقتىق بولىمشەلەرى ۋچاسكە يەلەرىنە قاتىستى اۋىل شارۋاشىلىعى جەرلەرىن الۋ مەن پايدالانۋدىڭ زاڭدىلىعىنا قاتىستى 1357 جوسپاردان تىس تەكسەرۋ جۇرگىزدى.
سونداي-اق مەملەكەت باسشىسىنىڭ تاپسىرماسى بويىنشا, 2022 جىلعى 28 ساۋىردە قۇرامىنا مۇددەلى مەملەكەتتىك جانە قۇقىق قورعاۋ ورگاندارى كىرەتىن جۇمىس كوميسسياسى قۇرىلعانىن ەسكە سالامىز. وسى كوميسسيا قۇرىلعان ساتتەن باستاپ بارلىق وڭىرلەردە ۆەدومستۆوارالىق توپتار قۇرىلدى. بيىلعى جىلدىڭ 9 تامىزىندا قازاقستان پرەزيدەنتى جەر ماسەلەلەرى بويىنشا تەكسەرۋلەر ءۇشىن ەرەكشەلىكتى كوزدەيتىن جارلىققا قول قويدى, بۇل پايدالانىلمايتىن اۋىل شارۋاشىلىعى القاپتارىن قايتارۋ بويىنشا جۇرگىزىلىپ جاتقان جۇمىستىڭ تيىمدىلىگىن ەداۋىر ارتتىردى.
اۋىل شارۋاشىلىعى مينيسترلىگى بۇل باعىتتاعى جۇمىس جالعاساتىنىن حابارلادى.
