ءوتىنىش يەسى ءوزىنىڭ ۇيالى تەلەفونىن الىس بولمەگە قۋات كوزىنە قويىپ, قايتىپ كەلگەندە تاپپاي قالعان. بەينەباقىلاۋ كامەرالارىن قاراپ شىققاننان كەيىن پوليتسەيلەر كۇدىكتىنى انىقتادى. ول كوپشىلىك ناماز وقىپ جاتقان كەزدە تەلەفوندى الىپ, مەشىتتەن شىعىپ كەتكەن.
«جەدەل-ىزدەستىرۋ ءىس-شارالارىن وتكىزۋ بارىسىندا پوليتسەيلەر قوستاناي وبلىسىنىڭ 27 جاستاعى تۇرعىنىن ۇستادى. قۇنى 150 مىڭ تەڭگە تۇراتىن ۇيالى تەلەفوندى كۇدىكتى ساتىپ ۇلگەرگەن», دەپ جازىلعان پد تاراقتان حابارلامادا.
پوليتسەيلەر ونىڭ مەشىتتە ۇرلىق جاساۋدىڭ تاعى ەكى فاكتىسىنە قاتىسى بار ەكەنىن انىقتادى. تاعى ءبىر وقيعا كەزىندە كۇرتەشەنىڭ قالتاسىنان تەلەفوندى ۇرلاپ كەتكەن. سودان كەيىن قابانباي باتىر داڭعىلىنداعى مەشىتتەن تەلەفون جانە قۇلاققاپ ۇرلاعان. ەر ادام كىناسىن مويىندادى, ۇرلىق فاكتىلەرى بويىنشا سوتقا دەيىنگى تەرگەۋ امالدارى جۇرگىزىلۋدە.
ۇستالعان ازامات ۋاقىتشا ۇستاۋ يزولياتورىنا قامالدى.
