جارتىلاي فينال ويىندارىنىڭ قورىتىندىسى بويىنشا «اقجايىق» پەن «ورداباسى» قازاقستان كۋبوگىن ساراپقا سالاتىن بولدى. العاشقى ½ فينال ماتچىندا جاسىل الاڭعا شىققان ورالدىڭ «اقجايىعى» ءوز الاڭىندا «تارازدىڭ» تاس-تالقانىن شىعاردى – 5:3. ەكىنشى ويىندا شىمكەنتتىڭ «ورداباسى» كلۋبى ەلوردادا «استانانى» تىزە بۇكتىردى. «استانا ارەنادا» وتكەن كەزدەسۋدە قوناقتار 3:2 ەسەبىمەن جەڭىسكە جەتتى.
«اقجايىق» پەن «ورداباسى» اراسىنداعى قازاقستان OLIMPBET-كۋبوگىنىڭ فينالى 12 قاراشادا وتەدى. دەگەنمەن ازىرگە ويىننىڭ قاي قالادا ۇيىمداستىرىلاتىنى بەلگىسىز. ايتا كەتەيىك, قازاقستان كۋبوگىندە توپ جارعان كوماندا كەلەسى جىلعى ەۋروكۋبوك ويىندارىنا جولداما الادى.
