اتالعان جارمەڭكە الەمنىڭ 85 ەلىنەن مىڭعا جۋىق جازۋشى, اقىن, دراماتۋرگتەرىن جيناعان كىتاپ شىعارۋ ىسىندەگى باستى وقيعالاردىڭ ءبىرى بولىپ وتىر. مادەني ءىس-شارا اياسىندا ىسكەرلىك كەزدەسۋلەر, دوڭگەلەك ۇستەلدەر, كونتسەرتتەر جانە ت.ب. مەملەكەتارالىق جيىندار وتەدى.
«بۇگىندە قازاقستاندىق ادەبيەت جاھاندىق كەڭىستىكتىڭ اجىراماس ءبىر بولىگىنە اينالدى جانە وندا ماڭىزدى ورىن الادى. جازۋشىلارىمىزدىڭ ارقاسىندا الەمنىڭ كوپتەگەن ەلىندەگى ازاماتتاردىڭ بارىنشا كەڭ اۋقىمىنا ءبىزدىڭ باي تاريحىمىز بەن ماۋەلى مادەنيەتىمىز تۋرالى ايتىپ بەرۋدىڭ بىرەگەي مۇمكىندىگى بار. سونىمەن قاتار ءبىزدىڭ مىندەتىمىز – كلاسسيكتەرىمىزدى دە, قازىرگى اۆتورلارىمىزدى دا ەۋروپا مەن ازيا نارىعىنا شىعارۋ. سوندىقتان بۇگىن ءبىز وتاندىق ادەبيەتتى الەمنىڭ تانىمال تىلدەرىنە اۋدارۋ جانە ىلگەرىلەتۋ بويىنشا جەتەكشى باسپالارمەن كەلىسسوزدەر جۇرگىزىپ جاتىرمىز», دەدى قۋات بوراش.
ايتا كەتەيىك, جىل سايىن جارمەڭكەگە الەمنىڭ 100 ەلىنەن 7 مىڭعا جۋىق باسپا, 275 مىڭنان استام ادام قاتىسادى, ونىڭ جۇمىسى اياسىندا 4 مىڭنان استام ءىس-شارا وتكىزىلەدى.
