ورتالىق سايلاۋ كوميسسياسىنىڭ كۇنتىزبەلىك جوسپارىنا سايكەس, پرەزيدەنتتىككە كانديداتتاردى ۇسىنۋ 23 قىركۇيەك پەن 21 قازان ارالىعىندا ءوتتى.
سايلاۋالدى ۇگىت-ناسيحات جۇمىسى بۇگىن ساعات 18:00-دە باستالدى. بۇل ناۋقان 28 كۇنگە سوزىلادى.
ەسكە سالا كەتەيىك, 12 قازاندا قازاقستان رەسپۋبليكاسىنىڭ ورتالىق سايلاۋ كوميسسياسى قازىرگى مەملەكەت باسشىسى قاسىم-جومارت توقاەۆتى قازاقستان رەسپۋبليكاسى پرەزيدەنتتىگىنە كانديدات رەتىندە تىركەدى.
كەيىن «قازاقستان كاسىپوداقتارى دوستاستىعى» «امانات» رەسپۋبليكالىق قوعامدىق ۇيىمىنان مەيرام قاجىكەن پرەزيدەنتتىككە كانديدات بولىپ تىركەلدى.
17 قازاندا وسك «اۋىل» حالىقتىق-دەموكراتيالىق پاتريوتتىق پارتياسىنان قازاقستان رەسپۋبليكاسى پرەزيدەنتتىگىنە كانديدات رەتىندە ۇسىنىلعان جيگۋلي دايراباەۆتى تىركەدى.
پرەزيدەنتتىككە تىركەلگەن ءتورتىنشى ۇمىتكەر قوعام قايراتكەرى, قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى قاراقات ابدەن «ۇلتتىق كاسىپقويلار اليانسى» ۇەۇ-دان قازاقستان رەسپۋبليكاسى پرەزيدەنتتىگىنە كانديدات رەتىندە ۇسىنىلدى.
20 قازاندا قازاقستان رەسپۋبليكاسىنىڭ ورتالىق سايلاۋ كوميسسياسى سالتانات تۇرسىنبەكوۆانى قازاقستان رەسپۋبليكاسى پرەزيدەنتتىگىنە كانديدات رەتىندە تىركەدى.
سول كۇنى جالپىۇلتتىق سوتسيال-دەموكراتيالىق پارتيادان قر پرەزيدەنتتىگىنە كانديدات بولىپ نۇرلان اۋەسباەۆ ۇسىنىلدى.
ايتا كەتەيىك, پرەزيدەنت سايلاۋى 20 قاراشاعا بەلگىلەندى.
