ونىڭ ايتۋىنشا, جىل باسىنان بەرى قازاقستاندا 7,7 مىڭ ءسابي دۇنيەگە كەلگەن. 2022 جىلدىڭ 9 ايىنىڭ قورىتىندىسى بويىنشا قوستاناي وبلىسىندا انا ءولىمى تىركەلگەن جوق. دەگەنمەن, ءسابي ءولىمى وسكەن.
«وڭىردە شالا تۋىلعان نارەستەلەرگە كومەك كورسەتۋ ساپاسىن ارتتىرۋ, پاتولوگياسى بار بالالاردى ەرتە انىقتاۋ سىندى شۇعىل شەشىمدەردى قاجەت ەتەتىن بىرقاتار مىندەت بار. تاعى ءبىر ماسەلە – سابيلەر ءولىمىنىڭ ءوسۋى. قوستاناي وبلىسىندا اعىمداعى جىلدىڭ 8 ايىنىڭ قورىتىندىسى بويىنشا كورسەتكىشتىڭ 25%-عا ارتقانى بايقالادى», دەدى ا.عينيات.
ءمينيستردىڭ ايتۋىنشا, نارەستە ءولىمىنىڭ نەگىزگى سەبەپتەرى پەريناتالدىق كەزەڭدە پايدا بولعان سەبەپتەر, سونداي-اق تۋا بىتكەن اقاۋلار, ۇشىنشىدەن جۇقپالى جانە پارازيتتىك اۋرۋلار.
ا.عينيات 2021 جىلى قازاقستاندا 2026 جىلعا دەيىن ەكو-عا 7 مىڭ كۆوتا ءبولۋدى قاراستىراتىن «اڭساعان ءسابي» ارنايى باعدارلاماسى ىسكە قوسىلعانىن ەسكە سالدى. وسى باعدارلاما اياسىندا وتكەن جىلى قوستاناي وبلىسىنا 205 كۆوتا ءبولىنىپ, ناتيجەسىندە 111 ايەل جۇكتى بولعان. بيىل وبلىسقا 255 كۆوتا بەرىلسە, قازىر 65 ايەل جۇكتى بولعان.
سونداي-اق ەلدە 10 پەريناتالدىق ورتالىق, ونىڭ ىشىندە قوستاناي وبلىسىندا بىرەۋىن سالۋ جوسپارلانۋدا.
