ۇيلەردىڭ قۇرىلىسى اياقتالۋعا جاقىن. ءاربىر تۇرعىن ءۇيدىڭ اۋدانى 100 شارشى مەتردى قۇرايدى. تۇرعىن ءۇي قۇرىلىسىنا 16 مەردىگەر ۇيىم تارتىلعان.
ء«ار ۇيگە 10 سوتىق جەر بولىنگەن. جوبادا 4 قوناق بولمە, جۋىناتىن بولمە, سونداي-اق اس ءۇي قاراستىرىلعان. ءۇي بارلىق ينجەنەرلىك ينفراقۇرىلىممەن جابدىقتالعان. ءار باسپانانىڭ قۋاتتى جەكە قازاندىعى بار. بۇدان بولەك ءار ۇيدە سەپتيك بار. ۇيلەرگە Wi-Fi دا قوسىلادى. جابدىقتاردىڭ ىشىندە گاز پليتاسى مەن سۋ قۇبىرى بولادى», دەدى قوستاناي وبلىسى اكىمدىگىنىڭ قۇرىلىس, ساۋلەت جانە قالا قۇرىلىسى باسقارماسىنىڭ باسشىسى بەرىك تاڭجارىقوۆ.
تۇرعىنداردىڭ دەمالۋى ءۇشىن اشىق سپورت الاڭدارى دا قاراستىرىلعان.
«اۋداندا فۋتبول جانە ۆولەيبول الاڭى, سونداي-اق بالالارعا ارنالعان 3 ويىن الاڭىن سالۋ جوسپارلانۋدا. بۇرىن اۋداندا مۇنداي الاڭقايلار بولعان جوق. ولاردىڭ قۇرىلىسىن دەمەۋشىلەر قارجىلاندىرىپ جاتىر», دەدى قوستاناي وبلىسىنىڭ اكىمى ارحيمەد مۇحامبەتوۆ.
قازىر ۇيلەر قۇرىلىس قوقىستارىنان تازارتىلۋدا. مۇنىمەن قاتار مەنشىك قۇقىعىنا قۇجاتتاردى راسىمدەۋ جۇمىستارى جۇرگىزىلۋدە.
ال ورتتەن زارداپ شەككەن وتباسىلار قونىس تويىن اسىعا كۇتىپ ءجۇر.
