چەمپيوناتتىڭ جۇلدەگەرلەرىن تەمىر جول ۆوكزالىنان قالالىق سپورت باسقارماسىنىڭ وكىلدەرى مەن جاقىندارى ىستىق ىقىلاسپەن كۇتىپ الدى.
«بۇل جەڭىستى بارشا قازاقستان حالقىنىڭ جەتىستىگى دەپ بىلەمىن. بارشاسىنا, اسىرەسە, استانا قالاسىنىڭ اكىمدىگىنە جانە قالالىق سپورت باسقارماسىنا قولداۋ جاساپ جۇرگەنى ءۇشىن العىسىمدى ايتقىم كەلەدى. ەلوردالىق سپورتشىلاردى قولداپ, وسىلاي كۇتىپ العانىنا ريزاشىلىعىمدى بىلدىرەمىن», دەيدى ازيا چەمپيوناتىنىڭ كۇمىس جۇلدەگەرى اناستاسيا كولودا.
ايتا كەتەيىك, بيىل 13-16 قازان كۇندەرى كۋۆەيت قالاسىندا 30 مەملەكەتتەن 400-گە جۋىق جەڭىل اتلەت باق سىناعان بولاتىن.
ءدۇبىرلى ازيا چەمپيوناتىنا ەلىمىزدىڭ بارلىق وڭىرىنەن 27 سپورتشى قاتىستى. ولاردىڭ اراسىندا ەلوردالىق اپكەلى-ءسىڭىلى كولودالار دا بار.
اتاپ ايتقاندا, 400 م كەدەرگىلەر ارقىلى جۇگىرگەن اناستاسيا كولودا كۇمىس جۇلدەنى ەنشىلەدى. ال ەكاتەرينا كولودا وسى قاشىقتىقتا 4-ورىننان كورىندى.
جارىس قورىتىندىسى بويىنشا, قازاقستان قۇراماسى U18 جاسقا دەيىنگى جاسوسپىرىمدەر اراسىنداعى ازيا چەمپيوناتىندا ەل قورجىنىنا 3 التىن, 3 كۇمىس, 1 قولا مەدال سالىپ, جالپى كوماندالىق ەسەپتى بەسىنشى ورىنمەن اياقتادى.
