كۇن ءتارتىبى ناقتىلاندى

كەشە قابيبوللا جاقىپوۆتىڭ توراعالىعىمەن ءماجىلىس بيۋروسى ءوتتى. وندا پالاتانىڭ الداعى جالپى وتىرىسىندا قارالاتىن كۇن ءتارتىبىنىڭ جوباسى ناقتىلاندى. دەپۋتاتتاردىڭ تالقىلاۋىنا 2010 جىلعى 9 جەلتوقسانداعى قازاقستان مەن رەسەي ۇكىمەتتەرى اراسىنداعى قازاق­ستانعا مۇناي جانە مۇناي ءونىم­دەرىن جەتكىزۋ سالاسىنداعى ساۋدا-ەكونو­مي­كالىق ىنتىماقتاستىق تۋرالى حاتتاما راتيفيكاتسيالاۋعا شىعارىلادى. كۇن ءتارتىبىنىڭ جوباسىنا ءبى­رىنشى وقىلىمعا «دەنە شىنىقتىرۋ جانە سپورت تۋرالى» زاڭ جوباسى ىلەسپە تۇزەتۋلەرىمەن ەنگىزىلدى. سونىمەن قاتار, وسى جال­پى وتىرىستا ءماجىلىس «قا­يى­­رىم­دىلىق, دەمەۋشىلىك جانە مەتسە­نات­تىق قىزمەت تۋرالى» زاڭ جوباسى ىلەسپە تۇزەتۋلەرىمەن جانە «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (سوت تورەلىگىنىڭ سەكتورىن ينستيتۋتتىق نىعايتۋ جوباسى) راتيفيكاتسيالاۋ تۋرالى» زاڭ جوباسىنا قورىتىندى ازىرلەۋ مەزگىلىن ناقتىلايتىن بولادى, دەپ حابارلادى پالاتانىڭ ءباسپاسوز قىزمەتى.