«عاسىرلار بويى جەتىسۋدىڭ بەرەكەلى جەرى ءتۇرلى مادەنيەتتەر مەن داستۇرلەردىڭ توعىسقان ورنى بولدى. بۇگىنگى تاڭدا جەتىسۋ وبلىسى ءبىزدىڭ مادەني كودىمىزدىڭ اجىراماس بولىگىنە اينالعان «ارتۇرلىلىكتەگى بىرلىك» ىرگەلى قاعيداتىن ىسكە اسىرۋدا. بۇل ءبىزدىڭ باعا جەتپەس بايلىعىمىز جانە ستراتەگيالىق ارتىقشىلىعىمىز», دەدى پرەزيدەنت.
مەملەكەت باسشىسىنىڭ ايتۋىنشا, الەم جوعارى گەوساياسي تۋربۋلەنتتىلىك پەن جاھاندىق سىن-قاتەرلەر كەزەڭىنە اياق باستى.
«بۇگىن الەم جوعارى گەوساياسي تۋربۋلەنتتىلىك پەن بۇرىن-سوڭدى بولماعان جاھاندىق سىن-قاتەرلەر كەزەڭىنە اياق باستى. قاقتىعىستار مەن سوعىستار كوبەيىپ, ەلدەر اراسىندا سەنىمسىزدىك كۇشەيە ءتۇستى. وسىنداي كۇردەلى كەزەڭدە حالقىمىزدىڭ بىرلىگى, قوعامداعى كەلىسىم مەن تۇراقتىلىقتى نىعايتۋ ەرەكشە ماڭىزعا يە. بۇل ەلىمىزدىڭ ودان ءارى ىلگەرىلەۋىنىڭ, سونداي-اق قازاقستاننىڭ اۋماقتىق تۇتاستىعىن ساقتاۋدىڭ, ەلىمىزدىڭ قاۋىپسىزدىگىن قامتاماسىز ەتۋدىڭ باستى شارتى», دەدى ق.توقاەۆ.
بۇل رەتتە پرەزيدەنت قازاقستان دامۋدىڭ جاڭا كەزەڭىنە اياق باسقانىن اتاپ ءوتتى.
«ەلىمىزدە بىرلىك بولسا, ءتورت قۇبىلا تۇگەل بولادى. حالىقتىڭ بىرلىگى - قازاقستاننىڭ ەگەمەندىگى مەن دەربەستىگىنىڭ كەپىلى. قازاقستان دامۋدىڭ جاڭا كەزەڭىنە اياق باستى. بىزدە ءومىردىڭ بارلىق سالالارىندا رەفورمالاردىڭ ۇزاق جانە قيىن جولى بار. بارلىق ازاماتتاردىڭ ەلدى جاڭعىرتۋعا قاتىسۋى ءبىزدىڭ رەفورمالارىمىزدىڭ تابىستى بولۋىنىڭ قۋاتتى فاكتورى بولاتىنىنا سەنىمدىمىن. بۇل جۇمىسقا قازاقستان حالقى اسسامبلەياسى پايدالى ۇلەس قوسۋدا», دەپ تۇيىندەدى مەملەكەت باسشىسى.
