ءدال قازىر مەملەكەت باسشىسى قاسىم-جومارت توقاەۆتىڭ جەتىسۋ وبلىسى جۇرتشىلىعىمەن كەزدەسۋى ءوتىپ جاتىر.
«جەتىسۋ وبلىسىنىڭ ستراتەگيالىق ماعىناسى بارشاعا بەلگىلى, تاريحى دا تەرەڭ. كيەلى توپىراقتا بالپىق بي, قابان جىراۋ مەن مولىقباي قوبىزشى دۇنيەگە كەلگەن. ءىلياس جانسۇگىروۆ, ءبىلال سۇلەەۆ, مۇحامەتجان تىنىشباەۆ سياقتى ارداقتى ازاماتتارىمىز ءوسىپ-ونگەن. سونداي-اق, قاسيەتتى جەردەن ءابىلحان قاستەەۆ, عالي ورمانوۆ, مۇقان تولەباەۆ, ءانۋار ءالىمجانوۆ سىندى ءتول مادەنيەتىمىزدىڭ كورنەكتى وكىلدەرى شىققان. ەل ىشىندە بۇل ايماقتى «جەتىسۋدىڭ جەتى كەرەمەتى», «جەر جانناتى جەتىسۋ» دەپ بەكەر ايتپاعان», دەدى پرەزيدەنت جيىلعان جۇرتتىڭ الدىندا.
ايتا كەتەيىك, كەشە قاسىم-جومارت توقاەۆ جۇمىس ساپارىمەن الماتى وبلىسىنا بارعان ەدى.
پرەزيدەنت جۇرتشىلىقپەن كەزدەسۋىندە ولكەنىڭ ەلىمىز ءۇشىن ەرەكشە ورنى بار ەكەنىن اتاپ ءوتىپ, الماتى وبلىسىن بولەك اكىمشىلىك اۋماق رەتىندە قۇرۋدىڭ جانە ونىڭ ورتالىعىن قاپشاعاي جاعاسىنا كوشىرۋدىڭ ماڭىزدىلىعىنا توقتالعان بولاتىن.
