ونىڭ ايتۋىنشا, تەرگەۋ اياقتالدى, قازىر ايىپتالۋشىلار ءىس ماتەريالدارىمەن تانىسۋدا.
«وزدەرىڭىز بىلەتىندەي, تامىز ايىندا ۇلتتىق قاۋىپسىزدىك كوميتەتى بۇل ءىستىڭ تەرگەلىپ جاتقانىن جانە قازىر ايىپتالۋشىلاردىڭ قىلمىستىق ءىس ماتەريالدارىمەن تانىسىپ جاتقانىن رەسمي تۇردە مالىمدەدى. مەن بۇعان دەيىن دە بۇل پروتسەسس ءبىرشاما ۋاقىت الاتىنىن اتاپ ءوتتىم», دەدى اسەت شىنداليەۆ.
شىنداليەۆتىڭ ايتۋىنشا, باس پروكۋراتۋرا بۇل ءىس بويىنشا ەشقانداي شەكتەۋ قويماعان.
ەسكە سالا كەتسەك, 6 قاڭتاردا ۇقك ساتقىندىق فاكتىسى بويىنشا سوتقا دەيىنگى تەرگەۋدى باستادى. كارىم ءماسىموۆ جانە باسقا دا ادامدار ۇستالىپ, ۋاقىتشا ۇستاۋ يزولياتورىنا قامالدى.
25 تامىزدا كارىم ماسىموۆكە قاتىستى قىلمىستىق ءىستى تەرگەۋ اياقتالعانى بەلگىلى بولدى.
بۇعان دەيىن قازاقستاننىڭ باس پروكۋرورى بەرىك اسىلوۆ ۇقك-ءنىڭ بۇرىنعى باسشىسى 17 جىلعا باس بوستاندىعىنان ايىرىلۋى مۇمكىن ەكەنىن ايتقان ەدى.
