«17 قازان كۇنى ساعات 16.44-تە ەكىباستۇز قالاسىنىڭ پوليتسياسىنا «م.ءجۇسىپ كوشەسى, 68 ءۇيدىڭ جانىندا كىلەمنەن ادامنىڭ اياعى كورىنەدى» دەگەن حابارلاما كەلىپ ءتۇستى. كەلگەن جەدەل-تەرگەۋ توبى ءۇيدىڭ كىرەبەرىسىندە كىلەمگە وراپ تاستاعان ايەلدىڭ ءمايىتىن تاپتى. كىلەمنىڭ جوعارى جانە تومەنگى جاقتارىن سىممەن بايلاپ تاستاعان. ايەلدىڭ جانسىز دەنەسىندە زورلىق-زومبىلىق بەلگىلەرى بار ەكەنى انىقتالدى. پوليتسيا ايەلدىڭ جەكە باسىن انىقتادى, ول ەكىباستۇز قالاسىنىڭ 38 جاستاعى تۇرعىنى بولىپ شىقتى», دەدى ەكىباستۇز قالاسى پوليتسيا باسقارماسىنىڭ باستىعى قايىرجان شاقارعاليەۆ.
كىسى ءولتىردى دەگەن كۇدىك بويىنشا ەكىباستۇز قالاسىنىڭ تۇرعىنى, 1986 جىلى تۋعان ەر ادام ۇستالدى. ول كىناسىن مويىندادى.
كىسى ءولتىرۋ فاكتىسى بويىنشا قازاقستان رەسپۋبليكاسى قك-ءنىڭ 99-بابى 1-بولىگى بويىنشا سوتقا دەيىنگى تەرگەۋ امالدارى باستالدى.
