«بۇگىندە ۇلكەن الماتى كانالىنىڭ جاعدايى سىن كوتەرمەيدى. قازىر بۇل كانال 60 مىڭ گەكتار جەرگە سۋ جەتكىزەدى. بىراق ىسكە قوسىلعاننان بەرى وعان ءبىر دە ءبىر كۇردەلى جوندەۋ جۇرگىزىلمەگەن. اكىمدىك ۇكىمەتپەن بىرلەسىپ, بۇل جۇمىستى شۇعىل قولعا الۋعا ءتيىس. سۋ تاپشىلىعى بولعاندىقتان, سوربۇلاقتىڭ تازارتىلعان سۋىن پايدالانۋ ماسەلەسى وزەكتى بولىپ وتىر. قازىر سوربۇلاقتىڭ سۋىمەن 2,7 مىڭ گەكتار ەگىس القابى سۋارىلادى. بۇل سۋ قويماسىن شامادان تىس تولىپ كەتۋدەن ساقتايدى. ايتپەسە, ەكولوگيالىق اپاتقا تاپ بولۋىمىز مۇمكىن», دەدى پرەزيدەنت.
الايدا مەملەكەت باسشىسىنىڭ ايتۋىنشا, مۇنىڭ ءبارى ءالى كۇنگە دەيىن رەتتەلمەگەن.
«قالدىق سۋدى تازارتىپ, كادەگە جاراتۋدىڭ ەرەجەسىن ازىرلەۋدى تاپسىرامىن. سوندا سۋارمالى جەردىڭ اۋماعىن كەڭەيتۋگە مۇمكىندىك تۋادى», دەپ اتاپ ءوتتى پرەزيدەنت.
