«ايماقتىڭ الدىندا تەڭگەرىمدى اۋماقتىق دامۋعا قول جەتكىزۋ بويىنشا ماڭىزدى مىندەت تۇر. بۇل جۇمىستاعى نەگىزگى كورسەتكىشتەر ازاماتتاردىڭ نەگىزگى الەۋمەتتىك قىزمەتتەرگە تەڭ جانە كەڭ قولجەتىمدىلىگىن قامتاماسىز ەتۋ, تۇرعىن ءۇي-كوممۋنالدىق جاعدايىن جاقسارتۋ. جىل باسىنان بەرى وبلىستا 686 مىڭ شارشى مەتر تۇرعىن ءۇي پايدالانۋعا بەرىلگەنىمەن, تۇرعىن ءۇي ماسەلەسى ءوڭىردىڭ وتكىر ماسەلەلەرىنىڭ ءبىرى بولىپ قالىپ وتىر. ءبىر عانا وبلىستاعى ساياجايلاردا 180 مىڭنان استام ادام تۇراقتى تۇرادى», دەدى پرەزيدەنت.
سونداي-اق مەملەكەت باسشىسى قالادا توزىعى جەتكەن تۇرعىن ۇيلەردىڭ كوپ ەكەندىگىن اتاپ ءوتتى.
«وبلىستا اپاتتى جاعدايداعى تۇرعىن ۇيلەر كوپ. سوندىقتان ۇكىمەتكە تۇرعىن ءۇي قۇرىلىسى مەن توزىعى جەتكەن تۇرعىن ۇيلەردىڭ كۇردەلى جوندەۋ جۇمىستارىن قارجىلاندىرۋدى ۇلعايتۋ تاپسىرىلدى», دەدى پرەزيدەنت.
سونىمەن قاتار ىشكى ىستەر مينيسترلىگىنە زاڭسىز قوقىس ۇيىندىلەرىن جاساۋشىلاردى جاۋاپكەرشىلىككە تارتۋدى تاپسىردى.
ء«وڭىر ءۇشىن وزەكتى ماسەلە – قالدىقتاردى كادەگە جاراتۋ. بارلىق تۋريستىك مارشرۋتتاردى كونتەينەرلەرمەن جابدىقتاپ, قوقىستاردى ۋاقىتىلى شىعارۋ مەن سۇرىپتاۋدى ۇيىمداستىرۋ قاجەت. بۇل ماڭىزدى سۇراق. ىشكى ىستەر مينيسترلىگىنە زاڭسىز قوقىس ۇيىندىلەرىن جاساۋشىلاردى جاۋاپكەرشىلىككە تارتۋ بويىنشا جۇمىستى كۇشەيتۋدى تاپسىرامىن», دەپ اتاپ ءوتتى ق.توقاەۆ.
