2022 جىلدىڭ 10 ايىندا وڭىردە ۇلتتىق جوبا باعدارلاماسى اياسىندا كرەديتتەۋ بويىنشا 11,2 ملرد تەڭگەگە 284 سۋبسيديالاۋ شارتى جاسالعان. 252 كاسىپكەر ۇلتتىق جوبا باعدارلاماسى اياسىندا قول قويىلعان كەپىلدىك شارتتارىنىڭ 3,6 ملرد تەڭگە سوماسىنا كەپىلدىك الدى.
جۋىردا جۋرناليستەر ءتۇرلى قىزمەت كورسەتۋ سالالارىندا بيزنەس-يدەيالاردى جۇزەگە اسىراتىن ءۇش كاسىپورىنعا بارىپ, كاسىپكەرلەردىڭ مەملەكەتتىك باعدارلامالاردى قالاي پايدالانعاندارىمەن تانىستى. العاشقى ساپار «مەدەيا سەۆەر» جشس بولدى. مەكەمەدە ەمدەلۋشىلەرگە قاجەتتى مەديتسينالىق كومەكتىڭ بارلىق كەشەنىن زاماناۋي جابدىقتارمەن قامتاماسىز ەتەتىن جوعارى بىلىكتى ماماندار جۇمىس ىستەيدى. كومپانيا 2021 جىلى «دامۋ» قورىنا ينۆەستيتسيالارعا جەڭىلدىكتى نەسيە الۋ ءۇشىن جۇگىنگەن. جوبانى بانكتە ماقۇلداعاننان كەيىن «دامۋ» قورى جوبانى سۋبسيديالادى. جالپى, كرەديت بويىنشا سىياقى مولشەرلەمەسى 14,75%-دى قۇرايدى, ونىڭ ىشىندە كاسىپكەر تەك 6%-ىن تولەيدى, ال ايىرماشىلىقتى «دامۋ» قورى سۋبسيديالايدى. نەسيە بويىنشا قوسىمشا كەپىل رەتىندە قوردىڭ نەسيە سوماسىنىڭ 49% كەپىلدىگى بەرىلدى.
ال «رەگيون 715» جشس مەكتەپتەر مەن كەڭسەلەرگە ارنالعان زاماناۋي جيھاز وندىرۋمەن اينالىسادى. كاسىپورىن جيھازدىڭ ستاندارتتى ەمەس تۇرلەرىمەن, جارقىن جانە ەرەكشە ديزاينىمەن ەرەكشەلەنەدى. مەكتەپ جيھازدارىنان باسقا, ءۇي جيھازدارىن وندىرەدى. سونىمەن قاتار Loft ستيلىندەگى زاماناۋي جيھازداردى دا شىعارادى. 2020 جانە 2022 جىلدارى كاسىپورىننىڭ اينالىم قاراجاتىن تولىقتىرۋعا ارنالعان كرەديتىن «دامۋ» قورى سۋبسيديالادى. كاسىپكەر ءۇشىن مولشەرلەمە جىلدىق 6%-دى قۇرادى, ال ايىرماشىلىقتى «دامۋ» قورى تولەيدى. سونداي-اق نەسيەلەۋ باعدارلاماسى اياسىندا 43% كەپىلدىك بەرىلدى. مۇنداعى قوردىڭ ماقساتى – اينالىم قاراجاتىن تولىقتىرۋ.
ينفوگرافيكانى جاساعان امانگەلدى قياس, «ەQ»
ءۇشىنشى كاسىپورىن – «AVAGRO» جشس. بۇل – قازاقستان مەن ءسىبىردىڭ استىق ەگەتىن وڭىرلەرىندە جوعارى تيىمدىلىكپەن جۇمىس ىستەۋ ءۇشىن ارنايى جوبالانعان, اۋىل شارۋاشىلىعى شتانگالىق بۇرىككىشتەرىن شىعارۋعا ماماندانعان وندىرىستىك كومپانيا. وندىرىستىك ءونىمنىڭ نەگىزگى تۇرلەرىنە سىيىمدىلىعى 2 500 ليتر بولاتىن AVAGRO-tt25xx ءتيپتى تىركەمە بۇرىككىشتەر, سىيىمدىلىعى 4 مىڭ ليترلىك AVAGRO-tt40xx ءتيپتى تىركەمە بۇرىككىشتەر جانە گاز-66, «سادكو», كاماز جانە ت.ب. اۆتوموبيلدەر بازاسىنداعى سىيىمدىلىعى 2 500 ليتر بولاتىن AVAGRO-مك25حح ءتيپتى وزدىگىنەن جۇرەتىن بۇرىككىشتەر جاتادى.
«دامۋ» كاسىپكەرلىكتى دامىتۋ قورى» اق – كاسىپكەرلىكتى قولداۋ شارالارىنىڭ نەگىزگى وپەراتورى جانە ينتەگراتورى. قوردىڭ باعدارلامالارى 3 نەگىزگى باعىت بويىنشا ىسكە اسادى: كاسىپكەرلەر ءۇشىن قارجىلاندىرۋ كولەمىن ۇلعايتۋ جانە قولجەتىمدىلىگىن ارتتىرۋ; كاسىپكەرلىكتى ارتاراپتاندىرۋعا جانە ونىڭ يندۋستريالىق-يننوۆاتسيالىق دامۋىنا جاردەمدەسۋ. سونداي-اق ءىسىن جاڭا باستاعان كاسىپكەرلەردى وقىتۋ جانە شوب كاسىپورىندارىنىڭ توپ-مەنەدجمەنتى, شەتەلدىك تاعىلىمدامالار, سەرۆيستىك جانە اقپاراتتىق قولداۋ نەگىزىندە شوب سۋبەكتىلەرىنىڭ كاسىبيلىگىن ارتتىرۋ.
«دامۋ» قورىنىڭ باعدارلاماسى بويىنشا 544 جوباعا 5,56 ملرد تەڭگە بولسە, ونىڭ ىشىندە 422 جوباعا ميكروكرەديت بويىنشا 2,5 ملرد تەڭگە كەپىلدەمە ءبولىندى. ءىشىنارا كەپىلدىك بەرۋ شارتتارى بويىنشا كاسىپكەرلەر قارجىلاي قامتاماسىز ەتۋ جەتىسپەگەن جاعدايدا قاجەتتى جوبالىق سوماعا دەيىن قوسىمشا قارجىلاندىرۋعا نەمەسە «دامۋ» قورىنىڭ كەپىلدىگى ەسەبىنەن قارىز سوماسىن ۇلعايتۋعا مۇمكىندىگى بار.
پەتروپاۆل
