ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ ريددەر قالاسىندا ءماسليحات دەپۋتاتتارى, مەملەكەتتىك ورگاندار باسشىلارى, ارداگەرلەر جانە جاستار ۇيىمدارى, ۇەۇ وكىلدەرى, كوپبالالى انالار, مۇگەدەكتىگى بار ادامدار, الەۋمەتتىك قىزمەتكەرلەر جانە ەڭبەك ۇجىمدارىمەن كەزدەسۋلەر وتكىزدى.
ا.سارباسوۆ الەۋمەتتىك كودەكستە زاڭنامالىق دەڭگەيدە بەكىتىلەتىن ازاماتتاردى الەۋمەتتىك قولداۋ شارالارىن كۇشەيتۋ تۋرالى ەگجەي-تەگجەيلى ايتىپ بەردى.
«الەۋمەتتىك كودەكس الەۋمەتتىك تاۋەكەلدەر تۋىنداعان كەزدە مەملەكەت تاراپىنان كومەكتى قامتاماسىز ەتە وتىرىپ, ازاماتتاردى ءومىر بويى سۇيەمەلدەيتىن بولادى. بۇل رەتتە ازاماتتاردىڭ جەكەلەگەن وسال ساناتتارىن قولداۋدان قازاقستاندىق وتباسىن نىعايتۋ مەن دامىتۋ ءۇشىن بازالىق جاعدايلار جاساۋعا كوشۋ جۇزەگە اسىرىلادى», دەدى ول.
ءبىرىنشى ۆيتسە-مينيستر الەۋمەتتىك كودەكس جوباسىندا وتباسىنىڭ تسيفرلىق كارتاسى ارقىلى پرواكتيۆتى فورماتتا الەۋمەتتىك مەملەكەتتىك كەپىلدىكتەر بەرۋ ارقىلى وتباسىلاردىڭ الەۋمەتتىك تاۋەكەلدەرىنىڭ الدىن الۋ جۇيەسىن قالىپتاستىرۋ كوزدەلگەنىن ايتتى.
«سونداي-اق جۇمىس كۇشىنىڭ كاسىبي داعدىلارىن كۇشەيتۋ, يكەمدى جۇمىسپەن قامتۋدىڭ بارلىق تۇرلەرىن زاڭنامالىق بەكىتۋ مەن رەتتەۋ, تەحنولوگيالار مەن ءبىلىم ترانسفەرتى ءۇشىن بىلىكتى كادرلاردى تارتۋ, ىشكى كوشى-قوندى رەتتەۋ, جۇمىسپەن قامتۋ ورتالىقتارىن مانساپ ورتالىقتارىنا اينالدىرۋ جانە كورسەتىلەتىن قىزمەتتەردى اۋقىمدى تسيفرلاندىرۋدى كوزدەيتىن جۇمىسپەن قامتۋ سالاسىندا جاڭا ساياسات قۇرىلادى», دەدى ا.سارباسوۆ.
ول ازاماتتاردى زەينەتاقىمەن قامسىزداندىرۋدى جەتىلدىرۋ بيۋدجەتتەن تولەنەتىن زەينەتاقى تولەمدەرىنىڭ مولشەرىن ۇلعايتۋ, مەملەكەت, جۇمىس بەرۋشى جانە قىزمەتكەردىڭ قاتىسۋىمەن كوپ دەڭگەيلى زەينەتاقى جۇيەسىن قۇرۋ ەسەبىنەن جۇزەگە اسىرىلاتىنىن جەتكىزدى.
«مەملەكەت باسشىسىنىڭ تاپسىرمالارىن ورىنداۋ ماقساتىندا الەۋمەتتىك كودەكس جوباسىندا بالالى وتباسىلاردى قولداۋ شارالارىن كۇشەيتۋگە ەرەكشە نازار اۋدارىلدى. اتاپ ايتقاندا, مەملەكەتتىك جاردەماقى مەن مەملەكەتتىك الەۋمەتتىك ساقتاندىرۋ قورىنان بالا كۇتىمى بويىنشا الەۋمەتتىك تولەمدى تولەۋ مەرزىمى ءبىر جارىم جاسقا دەيىن ۇزارتىلادى, سونداي-اق ناگرادتالعان انالارعا بەرىلەتىن جاردەماقى مولشەرى ۇلعايتىلادى. بۇدان باسقا, 2024 جىلدان باستاپ ۇلتتىق قوردىڭ جىل سايىنعى ينۆەستيتسيالىق تابىسىنىڭ 50%-ىن بالالار 18 جاسقا تولعانعا دەيىن ارنايى جيناقتاۋ شوتتارىنا اۋدارىمدار جۇرگىزىلەتىن بولادى», دەدى ا.سارباسوۆ.
ءبىرىنشى ۆيتسە-ءمينيستردىڭ ايتۋىنشا, الەۋمەتتىك كودەكستىڭ جوباسىندا مەملەكەت-جەكەمەنشىك ارىپتەستىك تەتىكتەرى, اۋقىمدى تسيفرلاندىرۋ جانە ادامي فاكتوردى تومەندەتۋ ارقىلى مەملەكەتتىك الەۋمەتتىك قىزمەتتەردىڭ قولجەتىمدىلىگىن كەڭەيتۋ ەسەبىنەن الەۋمەتتىك قىزمەت كورسەتۋ جۇيەسىن جاڭعىرتۋ (الەۋمەتتىك قىزمەتتەر پورتالى, مەديتسينالىق-الەۋمەتتىك ساراپتامانى سىرتتاي جۇرگىزۋ) قاراستىرىلعان.
جۇمىس ساپارى بارىسىندا ۆيتسە-مينيستر ريددەر ارنايى الەۋمەتتىك قىزمەت كورسەتۋ ورتالىعىنىڭ جۇمىسىمەن دە تانىستى.
ءموبيلدى توپ اقپاراتتىق-ءتۇسىندىرۋ جۇمىستارىن شىعىس قازاقستان وبلىسىنىڭ گلۋبوكوە اۋدانىندا جالعاستىرادى.
