باس ۇيىم وكىلىمەن سۇحبات قۇردى

كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ استانا ەكونوميكالىق فورۋمىنا قاتىسۋ ءۇشىن قازاقستانعا كەلگەن بۇۇ باس حاتشىسىنىڭ ورىنباسارى, بۇۇ باس حاتشىسىنىڭ شىعىس تيمور جونىندەگى ارناۋلى كەڭەسشىسى نوەلين حەيزەرمەن كەزدەستى, دەپ حابارلادى سەناتتىڭ ءباسپاسوز قىزمەتى. قازاقستان مەن بۇۇ-نىڭ ءوزا­را ءىس-قيمىلىنىڭ اۋقىمدى ماسە­لەلەرى, ونىڭ ىشىندە بۇۇ-نىڭ مىڭجىلدىقتاردىڭ دامۋ ماق­ساتتارىنا قول جەتكىزۋى, ورنىقتى دامۋ, ەكسپو-2017 جانە 2015 جى­لى الەمدىك جانە ءداستۇرلى ءدىن­دەر كوشباسشىلارىنىڭ سەزىن وتكىزۋ سەكىلدى تاقىرىپتار تال­قىلاندى. ق.توقاەۆ بۇۇ-نىڭ ازيا مەن تىنىق مۇحيتقا ارنالعان ەكو­نوميكالىق جانە الەۋمەتتىك كو­ميسسياسىنىڭ اتقارۋشى حاتشىسى رەتىندە قازاقستانمەن تابىستى ىنتىماقتاستىعى ءۇشىن ن.حەيزەرگە ريزاشىلىق ءبىلدىردى. سول كۇنى ق.توقاەۆ يۋنكتاد/دسۇ حالىقارالىق ساۋدا ورتالى­عى­نىڭ اتقارۋشى ديرەكتورى ارانچا گونسالەسپەن كەزدەستى. ول قا­زاقستانداعى شاعىن جانە ورتا بيز­نەستىڭ حالىقارالىق باسەكەگە قابى­لەتتىلىگىن ارتتىرۋعا ورتالىقتىڭ جاردەمدەسۋ نيەتى تۋرالى حاباردار ەتتى. ونىڭ پىكىرىنشە, قازاقستان ەكونوميكاسى تابىستى دامىپ كەلەدى جانە اتاپ ايتقاندا, اۋىل شارۋاشىلىعى ونىمدەرىن وڭدەۋ جانە قىزمەت كورسەتۋ سەكتورىن دامىتۋ ارقىلى ودان ءارى ءارتاراپتاندىرۋدا تاماشا مۇمكىندىكتەرگە يە. سەنات توراعاسى مەملەكەت باس­شىسى ن.نازارباەۆتىڭ ەكونو­ميكالىق دامۋدى ىنتالاندىرۋ تۋرالى باستاماسى, ونىڭ ءىشىن­دە شاعىن جانە ورتا بيزنەستى, ين­فراقۇرىلىمدى جانە باسقا دا ماڭىزدى باعىتتاردى دامىتۋ ءۇشىن ۇلتتىق قوردان 1 تريلليون تەڭگە بولىنەتىنى جايىندا ايتتى. پالاتا باسشىسى اتاپ وتكەندەي, الداعى ۋاقىتتا كاپيتالعا راقىمشىلىق جاساۋ, سونداي-اق, بىرقاتار باسقا دا زاڭداردى قابىلداۋ قازاقستانداعى ەكونوميكالىق رەفورمالارعا سەر­پىن بەرەدى. ق.توقاەۆ قازاقستاننىڭ حالىقارالىق ساۋدا ورتالىعىمەن ج­ەمىستى ىنتىماقتاستىعىنا, اتاپ ايتقاندا, ورتالىقتىڭ ەكسپو-2017 حالىقارالىق كور­مە­سى­نە ءازىر­لىگى مەن وتكىزۋگە قاتىسا­تى­نىنا سەنىم ءبىلدىردى.