«مەيىرىمدىلىك كەرۋەنى» بايقاۋىنىڭ باستالۋىنا وراي وتكەن ءباسپاسوز كونفەرەنتسياسىنا ەلوردالىق ىشكى ساياسات باسقارماسىنىڭ باسشىسى داۋرەن بابامۇراتوۆ, قازاقستاننىڭ ىسكەر ايەلدەر قاۋىمداستىعى پرەزيدەنتىنىڭ ورىنباسارى سانيا يرساليەۆا, قازاقستان ايەلدەر كۇشتەرى اليانسى توراعاسىنىڭ ورىنباسارى بايان تويكەباەۆا قاتىستى.
بەسىنشى رەت ۇيىمداستىرىلعان «مەيىرىمدىلىك كەرۋەنى» بايقاۋى يگى ىستەر جاسايتىن ادامداردى انىقتاۋعا, حالىقتىڭ يگى باستامالارىن جانداندىرۋعا, مەيىرىمدىلىك جانە گۋمانيزم سياقتى ادامگەرشىلىك قۇندىلىقتاردى نىعايتۋعا باعىتتالعان.
قاتىسۋشىلار الەۋمەتتىك, قوعامدىق ماسەلەلەردى شەشۋگە ۇلەس قوساتىن جانە ءوز ءىس-ارەكەتتەرىمەن باسقالاردى ىنتالاندىراتىن جەكە جانە زاڭدى تۇلعالار بولا الادى.
كونكۋرسقا كاسىپكەرلىك سۋبەكتىلەرى, سونداي-اق قايىرىمدىلىق قىزمەتى مەملەكەتتىك قولداۋمەن بايلانىستى تۇلعالار (مەملەكەتتىك گرانت, مەملەكەتتىك تاپسىرىس جانە ت.ب.) قاتىسا المايدى.
كونكۋرس لاۋرەاتتارى كەلەسى نوميناتسيالار بويىنشا انىقتالادى:
- «اسار» – قايىرىمدىلىق قىزمەتى حالىقتىڭ ادەت-عۇرىپتار مەن داستۇرلەردى ساقتاۋمەن بايلانىستى ادامدارعا ارنالعان نوميناتسيا;
- «تۋعان جەر» – ءبىلىم بەرۋ, ەكولوگيا جانە اباتتاندىرۋ, مادەني نىسانداردى قالپىنا كەلتىرۋ جانە ت.ب. سالالاردا تۋعان ولكەگە قايىرىمدىلىق كومەك كورسەتەتىن لاۋرەاتقا تاپسىرىلادى.;
- «باتىل جۇرەك» – باتىرلىق پەن جانقيارلىق ءۇشىن. بۇل نوميناتسيادا شۇعىل قىزمەت قىزمەتكەرلەرى (تج, ءىىم, جەدەل جاردەم جانە باسقالار) اراسىندا قوسىمشا جەڭىمپاز اتاعى قۇرىلۋى مۇمكىن;
- «مەيىرىم جولىندا» – بەلگىلى ءبىر ۋاقىت ىشىندە تۇراقتى وتەۋسىز كومەك كورسەتەتىندەر ءۇشىن;
- «قايىرىمدىلىق تاريحى» – نوميناتسيا جۋرناليستكە جانە/نەمەسە شىعارماشىلىق ۇجىمعا باق-تا قايىرىمدىلىق, الەۋمەتتىك ماسەلەلەردى ۇزدىك جاريالاعانى ءۇشىن بەرىلەدى;
- «بالا جۇرەگى» – 6 جاستان 18 جاسقا دەيىنگى لاۋرەاتقا شۇعىل جاعدايلاردا كورسەتكەن جانقيارلىق جانە باتىل ارەكەتى, سول سياقتى قايىرىمدىلىق قىزمەتىنە قاتىسقانى ءۇشىن بەرىلەدى;
- «جانۋارعا مەيىرىم» – جانۋارلاردىڭ قۇقىعىن قورعايتىن, ولاردىڭ كۇتىمىنە كومەكتەسەتىن, سونداي-اق جانۋارلار دەگەن مەيىرىمدىلىكتى ناسيحاتتايتىن لاۋرەاتقا بەرىلەدى.
كونكۋرسقا قاتىسۋعا وتىنىمدەر 2022 جىلعى 30 جەلتوقسانعا دەيىن قابىلدانادى.
