جەرگىلىكتى ۋرالسكايا نەدەليا سايتىنىڭ مالىمەتىنشە, پوليتسيا ءىستى قازان ايىنان بەرى تەرگەپ جاتىر. تەرگەۋ-جەدەل توبى مەن پوليتسيا قىزمەتكەرلەرى كورسەتىلگەن جەرگە بارىپ, تابىلعان ادام سۇيەكتەرىن تاركىلەگەن.
ۆيدەونى تۇسىرگەن ادام پۋگاچەۆا كوشەسىندەگى ەسكى ۇيلەردى بۇزۋ كەزىندە ەكسكاۆاتوردىڭ جيىرما شاقتى باس سۇيەك پەن سۇيەكتەردى قازىپ العانىن ايتادى. قوقىس ورنىندا تاعى بىرنەشە ادامنىڭ, ال شاتىردا تاعى ءبىر ادامنىڭ قالدىقتارى تابىلعان.
پوليتسەيلەر «زەنيت» تەلەورتالىعىنىڭ ماڭىندا تۇراتىن تاعى ءبىر كۋاگەر ۆ. تسەليكوۆتى انىقتاعان. ونىڭ ايتۋىنشا, 17 قازاندا ول پايدالانىلعان قۇرىلىس ماتەريالىن جيناۋ ءۇشىن جۇك كولىكتەرى تۇسىرەتىن جەرگە كەلىپ, ادام قالدىقتارىن تاۋىپ الىپ, جيناعان. پوليتسەيلەر تسەليكوۆتەن 11 باس سۇيەك پەن 323 سۇيەك تاركىلەگەن.
قىلمىستىق ءىستى قاراۋ ناتيجەسى بويىنشا زاڭدى پروتسەسسۋالدىق شەشىم قابىلدانادى. پوليتسەيلەردىڭ ايتۋىنشا, سۇيەك قالدىقتارىنىڭ جاسى 60-تان اسقان بولسا, ءىس توقتاتىلادى.
