ەكسپورتتى ەسكەرە وتىرىپ, 16 قازاندا ەلەكتر ەنەرگياسىن ءوندىرۋ 86,9 ملرد كۆت/ساع قۇرادى.
«قازىرگى ۋاقىتتا بىرىڭعاي ەلەكتر ەنەرگەتيكالىق جۇيەسى تۇراقتى جۇمىس ىستەيدى. تۇتىنۋ 86,8 ملرد كۆت/ساع قۇرادى, بۇل وتكەن جىلدىڭ سايكەس كەزەڭىندەگى كورسەتكىشتەن 1,4%-عا تومەن. تۇتىنۋدىڭ تومەندەۋى كوبىنەسە تسيفرلىق تاۋ-كەن ءوندىرىسى بويىنشا زاڭسىز قىزمەتتى جۇزەگە اسىرعان ادامداردى انىقتاۋ بويىنشا جۇرگىزىلگەن جۇمىستارمەن بايلانىستى», دەپ ءتۇسىندىردى بولات اقشولاقوۆ.
ەنەرگەتيكا مينيسترلىگىنىڭ باعالاۋى بويىنشا كۇزگى-قىسقى كەزەڭدە ەنەرگيا جۇيەسىندەگى ەڭ جوعارى جۇكتەمە شامامەن 16,1 گۆت قۇرايدى.
ۆەدومستۆو باسشىسى تاۋ-كەن وندىرىسىمەن اينالىسۋ ءۇشىن كومپانيا زاڭ نەگىزىندە تىركەلىپ, سالىق تولەۋشى بولىپ جانە ەڭ باستىسى, وعان ساتىپ الىنعان جانە ونىڭ مەنشىگى بولىپ سانالاتىن جابدىقتى پايدالانۋى كەرەك ەكەنىن ەسكە سالدى.
