قازىر ەلەكتروندى ەڭبەك بيرجاسىنىڭ بازاسىندا مىناداي رەسۋرستار بار. Enbek.kz بىرىڭعاي تسيفرلىق پلاتفورماسىندا جۇمىسقا ورنالاستىرۋ بويىنشا 5 ونلاين الاڭ, جۇمىسپەن قامتۋمەن اينالىساتىن 44 جەكە اگەنتتىك جانە جۇمىسپەن قامتيتىن 205 ورتالىق بار.
Skills Enbek ونلاين وقىتۋ پلاتفورماسى – حالىقتىڭ داعدىلارىن جەتىلدىرۋگە باعىتتالعان كۋرستار ماركەتپلەيسى. ال HR Enbek – قىزمەتكەرلەردىڭ جۇمىس جولىن تسيفرلىق ەسەپكە الۋ الاڭى. سونىمەن بىرگە جۇمىس بەرۋشىلەر ءۇشىن ەڭبەك زاڭناماسىنىڭ تالاپتارىن ساقتاۋ بويىنشا ءانونيمدى ءوزىن-ءوزى دياگنوستيكالاۋ قىزمەتى ىسكە قوسىلدى.
بيزنەس-يدەيالاردى ىسكە اسىرۋ ءۇشىن مەملەكەتتىك گرانتتاردى الۋدىڭ بارلىق پروتسەسىن تولىق اۆتوماتتاندىرۋ ءۇشىن ەنگىزىلگەن Business Enbek پلاتفورماسى دا بار: ءوتىنىم بەرۋدەن گرانتتى الۋعا دەيىن.
«ەلەكتروندى ەڭبەك بيرجاسى ارقىلى جۇمىسپەن قامتۋ سالاسىنداعى مەملەكەتتىك قىزمەتتەردى وڭاي الۋعا بولادى. بىلتىر 126 مىڭ ادام ونلاين فورماتتا جۇمىسسىز رەتىندە تىركەلگەن. پلاتفورما ارقىلى جۇمىسسىز قالۋ, سۋبسيديالاناتىن جۇمىس ورىندارىنا جۇمىسقا ورنالاسۋ جانە جۇمىس كۇشى تاپشى ايماقتارعا قونىس اۋدارۋ بويىنشا الەۋمەتتىك تولەمدەرگە ءوتىنىش بەرە الاسىز. بيىل ەلەكتروندى بيرجا كومەگىمەن وسى قىزمەتتى 314,2 مىڭنان استام ادام پايدالاندى», دەيدى «ەڭبەك رەسۋرستارىن دامىتۋ ورتالىعى» اق پرەزيدەنتى داۋلەت ارعىندىقوۆ.
كەلەسى جىلى تاعى ءبىر ماڭىزدى ەلەمەنت – ماماندىق بويىنشا تسيفرلىق جولباسشى قىزمەتى ىسكە قوسىلماق. بۇل ەڭبەك نارىعىنداعى بارلىق قولجەتىمدى ماماندىق تۋرالى اقپاراتتى جيناقتاۋىشتىڭ ءبىر ءتۇرى بولادى. مۇندا ءاربىر ادام ناقتى نەمەن اينالىساتىنىن, ول ءۇشىن قانداي ءبىلىم قاجەت ەكەنىن, ورتاشا جالاقىنى, قانداي جۇمىس ىستەيتىنىن بىلە الادى.
