تسيفرلىق قۇجات سەرۆيسىندە قولجەتىمدى بارلىق ەلەكتروندىق قۇجات قاعازداعى قۇجاتتارعا تەڭ. ءمينيستردىڭ بۇيرىعى 2022 جىلدىڭ 22 قازانىنان باستاپ كۇشىنە ەنەدى. سونداي-اق اتالعان ۆەدومستۆو ەلەكتروندى تسيفرلى قولتاڭبادان باس تارتۋ ماسەلەسىن دە قاراستىرىپ جاتىر. بۇل تۋرالى باعدات مۋسين ءوزىنىڭ الەۋمەتتىك جەلىدەگى پاراقشاسىندا مالىمدەدى.
«بۇگىن مەملەكەتتىك قىزمەت كورسەتۋ ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسىن وتكىزدىك. كۇن تارتىبىندە ەلەكتروندى-تسيفرلىق قولتاڭبادان باس تارتۋ, حالىققا قىزمەت كورسەتۋ ورتالىقتارىنان قۇجاتتار الۋ, ەمحاناعا تىركەلۋ جانە بيزنەسكە ارنالعان قىزمەتتەردى جەتىلدىرۋ ماسەلەلەرى قاراستىرىلدى. مەنىڭ ويىمشا, ءبىز ءبىرىنشى كەزەكتە حالىققا ەلەكتروندىق قىزمەتتەردى پايدالانۋ ىڭعايلى ەكەنىنە كوز جەتكىزۋىمىز كەرەك. قازىرگى ۋاقىتتا QR ارقىلى قول قويۋ مەحانيزمى ازىرلەندى, بۇل ىڭعايلى جانە قاۋىپسىز. ونى بارلىق پورتالعا ەنگىزۋ عانا قالدى. بۇل جۇمىستى جانداندىرۋ جانە NCALayer جۇيەسىنەن تولىق باس تارتۋ بويىنشا تاپسىرما بەردىم», دەدى مينيستر.
ۆەدومستۆو باسشىسى كەي جاعدايلاردا قىزمەت الۋشىلار قانداي دا ءبىر قۇجاتتىڭ دايىن بولعانى تۋرالى SمS حابارلاما الىپ, حقو-عا كەلگەندە ونىڭ ءالى جەتكىزىلمەگەنىن ءبىلىپ جاتاتىن جايتتاردىڭ دا كەزدەسىپ قالاتىنىن جەتكىزدى.
ء«بىز بۇل قىزمەتتى جەتىلدىرىپ جاتقانىمىزدى جانە جاقىن ۋاقىتتا ادامدار حالىققا قىزمەت كورسەتۋ ورتالىقتارىنا قايتا كەلمەي, قىزمەتتەردى ەلەكتروندىق تۇردە ۋاقىتىندا الاتىنىن اتاپ وتەمىن. سونداي-اق جاقىن ارادا ەمحاناعا تىركەلۋ پروتسەسىن تولىق اۆتوماتتاندىرۋ جوسپارلانۋدا. مۇنداي باستامانى دەنساۋلىق ساقتاۋ مينيسترلىگى ۇسىندى. ياعني وتىنىشتەر قاعاز تۇرىندە قارالمايدى, جۇيەنىڭ ءوزى ءبارىن تەكسەرەدى جانە تىركەيدى, ال كوشكەن كەزدە ادامعا جاڭا تۇرعىلىقتى جەرى بويىنشا ەمحانا ۇسىنىلادى», دەدى.
سونىمەن قاتار ادىلەت مينيسترلىگىنىڭ باستاماسىمەن دەرەكتەردى وزگەرتۋ پروتسەستەرىن جەڭىلدەتۋ, مىسالى, تىركەۋ مەكەنجايىن وزگەرتۋگە قاتىستى ۇسىنىس تا قارالعان.
«بۇل قىزمەت بانكتەردىڭ قوسىمشالارىندا قولجەتىمدى بولادى. تەحنيكالىق تۇرعىدا ىسكە اسىرۋ عانا قالدى, سوندىقتان بۇل جۇمىستاردى جەدەلدەتۋدى تاپسىردىم. بۇدان بولەك, مەملەكەتتىك قىزمەتتەر ءۇشىن تولەم ەنگىزۋ جاعدايى تالقىلاندى. شەتەلدىكتەردىڭ قىزمەت الۋى كەزىندە اقى تولەۋ جۇيەسىن ەنگىزۋگە باسا نازار اۋدارىلدى. مۇددەلى مەملەكەتتىك ورگاندار (ىشكى ىستەر, ادىلەت جانە قارجى مينيسترلىكتەرى) مەن ۇكىمەتتەگى ارىپتەستەرىمە ازاماتتارعا كەلەسى جىلدان باستاپ شەتەلدىكتەر ءۇشىن تولەم ەنگىزۋ تەتىگىن ازىرلەۋدى تاپسىردىم», دەپ جازدى ۆەدومستۆو باسشىسى.
ءمينيستردىڭ ايتۋىنشا, ازاماتتاردىڭ ۇكىمەتپەن بايلانىسىن جاقسارتۋ ماقساتىندا دا بىرقاتار جوبا قولعا الىنىپ جاتىر. سونىڭ ءبىرى – Smart data Ukimet. بۇل – مەملەكەتتىك ورگانداردىڭ بارلىق دەرەكقورىن جيناۋعا جانە وڭدەۋگە مۇمكىندىك بەرەتىن تالدامالى جۇيە. ول – ناقتى ۋاقىت رەجىمىندە كوپ دەرەكتى جينايتىن جانە وڭدەيتىن قۇرال.
«بۇل ازىرلەمەلەر ازاماتتارىمىزدىڭ قىزمەتتەردى تەز جانە كەدەرگىسىز الۋ پروتسەسىن جۇزەگە اسىرۋعا كومەكتەسەدى. سونىمەن قاتار, عارىش تەحنولوگيالارى, اتاپ ايتقاندا, تومەن وربيتالى سپۋتنيكتەردى ەنگىزۋ تاقىرىبى دا ايتىلدى. بۇل قازاقستاننىڭ شالعاي اۋماقتارىن بايلانىسپەن جانە ينتەرنەتپەن قامتاماسىز ەتۋگە جول اشادى», دەپ جازدى مينيستر.
