«قاۋىپسىزدىكتى قامتاماسىز ەتۋدەگى باستى جاۋاپكەرشىلىكتى نەگىزگە الا وتىرىپ, ءبىز تەرروريزم مەن ەكسترەميزمگە, زاڭسىز كوشى-قونعا, ەسىرتكىنىڭ زاڭسىز ءوندىرىسى مەن اينالىمىنا قارسى تۇرۋعا باعىتتالعان التىجاقتى ىنتىماقتاستىق پەن اقپارات الماسۋدى ىنتالاندىرۋدى جالعاستىرامىز», دەلىنگەن سامميت قورىتىندىسى بويىنشا جاريالانعان بىرلەسكەن مالىمدەمەدە.
رەسەي مەن ورتالىق ازيا ەلدەرى دە تاۋەلسىز مەملەكەتتەر دوستاستىعى (تمد) اياسىندا ورىس ءتىلىن قولداۋ جانە ناسيحاتتاۋ ماقساتىندا حالىقارالىق ۇيىمنىڭ قۇرىلۋىن قۇپتادى. مالىمدەمەدە سونداي-اق ەلدەر «تاراپتاردىڭ مۇددەلەرىن ەسكەرە وتىرىپ, ۇلتتىق ۆاليۋتالارمەن ەسەپ ايىرىسۋ تاجىريبەسىن كەڭەيتۋگە نيەتتى» دەلىنگەن.
سامميتتە ءسوز سويلەگەن رەسەي پرەزيدەنتى ۆلاديمير پۋتين ەلىنىڭ ورتالىق ازيا ەلدەرىمەن تاۋار اينالىمى ەكى ەسەگە ءوسىپ, 37,1 ميلليارد دوللارعا جەتكەنىن ايتتى. «ورتالىق ازيا-رەسەي» ءسامميتى قازاقستان پرەزيدەنتى قاسىم-جومارت توقاەۆتىڭ جەتەكشىلىگىمەن استانادا وتكەن ءتۇرلى شارالار اياسىندا تۇڭعىش رەت ۇيىمداستىرىلدى. ونىڭ الدىندا استانادا توقاەۆتىڭ توراعالىعىمەن تمد مەملەكەت باسشىلارىنىڭ ءسامميتى ءوتتى.
