قۋانسا, بالا قۋانسىن

كوكسۋ اۋداندىق ءبىلىم ءبولى­مى­نىڭ مۇرىندىق بولۋىمەن بي­ىل­عى وقۋ جىلىندا يگىلىكتى ىس­تەر جوسپارلانىپ, بىرقاتار شا­را وتكىزىلگەن. «بالالار الە­مى» جوباسى اياسىندا 3-10 سىنىپ وقۋشىلارىنىڭ اراسىندا «با­لالار وقۋلارى» بايقاۋى, اي­تۋلى داتاعا تۇسپا-تۇس كەلگەن تۇلعالاردىڭ مەرەيتوي­لا­رىنا بايلانىستى ەسسە باي­گەلەرى, «اق­بەرەن» سايىستارى ۇيىم­داستىرىلعان. اۋدان مەكتەپ­تە­رىنىڭ اۋلالىق كلۋبتارى اراسىندا كىشى فۋتبولدان جارىس وتكەن. 

اۋدان اكىمى مارلەن كول­باەۆ­تىڭ باستاماسىمەن اۋدان كو­لەمىندە, ءار اۋىلدىق وكرۋگتە اشىق اسپان استىندا وقۋشىلارعا مۋلتفيلمدەر مەن قازاقى قۇن­دىلىققا نەگىزدەلگەن الۋان ءتۇرلى كينو كورسەتىلگەن. سونىمەن قا­تار «ۇزدىك وقۋشىلار» كلۋبى قۇرىلعان. بۇل كلۋبتىڭ ماقساتى – ءار پاننەن, ءار سالادان وزىق شىق­قان وقۋشىلاردىڭ ناتيجەسىن ناسي­حاتتاۋ جانە ءىس-شاراعا تارتۋ.

ء«ار اپتانىڭ سارسەنبى-جۇ­ما كۇندەرى ساعات 15:00-دە اۋدان­دىق مادەنيەت ۇيىندە بالا­لار­عا ارنالعان مۋلتفيلم­دەر مەن كينوفيلمدەر كورسە­تىلەدى. كور­سەتىلىم تەگىن ۇيىمداس­تى­رى­لادى. مۇنىڭ بارلىعى – بالا­لارى­مىزدىڭ بوس ۋاقىتىن پايدالى ءارى كوڭىلدى وتكىزۋگە ار­نالعان ءىس-شارالار. مادەنيەت ءۇيى بالالار­دى اسىعا كۇتەدى, اراسىندا ۆيك­تو­رينالىق ويىندار ويناتىلىپ, سىيلىقتار دا تاراتىلادى. سوندىقتان بالالارىڭىزدى الىپ كەلىڭىزدەر, ءبىر قۋانىپ, دەمالىپ قالسىن», دەيدى م.كولباەۆ.

ءبىلىم سايىسى, سپورتتىق جانە مادەني ءىس-شارالاردىڭ باسىم با­عىتى بالالار جىلىنا وراي جوس­پارلانىپ, ەل پرەزيدەنتى مىن­دەتتەگەن تاپسىرما اياسىندا جۇزەگە اسىرىلىپ كەلەدى. بالا قۇقىعىن قورعاۋ, جان-جاقتى دامىتۋعا باعىتتالعان جوبالار مەن شارالاردىڭ كوپتىگى كوڭىل قۋانتادى. الداعى ۋاقىتتا دا بالالاردىڭ قىزىعۋشىلىعىن ارتتىراتىن, شىعارماشىلىققا باۋليتىن ءتۇرلى چەللەندجدەر مەن جوبالار جوسپارلانىپ وتىر.

جەتىسۋ وبلىسى