«شىمكەنت قالاسىنىڭ 112 پۋلتىنە قاراتاۋ اۋدانىنداعى قۇدايبەرگەنوۆ كوشەسىندە ورنالاسقان جەكە تۇرعىن ءۇي اۋماعىندا ەرەسەكتەردىڭ قاراۋىنسىز قالعان 2024 جىلى تۋعان قىز بالانىڭ قۇدىققا قۇلاپ كەتكەنى تۋرالى حابارلاما ءتۇستى. وقيعا ورنىنا تجم قۇتقارۋشىلارى جەدەل تۇردە جىبەرىلدى. كەلگەن كەزدە قۇدىقتىڭ تەرەڭدىگى شامامەن 24 مەتر ەكەنى انىقتالدى», دەلىنگەن تجم حابارلاماسىندا.
قۇتقارۋشىلار الپينيستىك جابدىقتاردى پايدالانىپ, قۇدىققا ءتۇسىپ كەتكەن بالانى الىپ شىققان. قىز بالا ءارى قاراي تەكسەرۋ ءۇشىن جەدەل مەديتسينالىق جاردەم بريگاداسىنا تاپسىرىلدى.
وسى رەتتە تجم بالالاردى قاراۋسىز قالدىرماۋ كەرەك ەكەنىن تاعى ءبىر ەسكە سالدى.
