بۇعان دەيىن 2019 جىلدىڭ قاراشاسىندا CaspianGroup جوباسىنىڭ باستاماشىسى جانە سينگاپۋرلىق SurbanaJurong دامۋ كومپانياسى اراسىندا G4 City جوباسىنىڭ باس جوسپارىن ازىرلەۋدە ىنتىماقتاستىق تۋرالى كەلىسىمگە قول قويىلعانى ايتىلعان ەدى.
جوسپار بويىنشا «Gate City» (قاقپا قالا), «Golden City» (التىن قاقپا), «Growing City» ء(وسۋ قالاسى), Green City (جاسىل قالا) دەپ اتالاتىن ءتورت شاھاردىڭ اۋماعى 8 مىڭ گەكتارعا ەسەپتەلگەن. مۇندا الماتى قالاسى ءۇشىن ازىق-ت ۇلىك كلاستەرى, جولاۋشىلارعا ارنالعان كولىك تورابى, زاماناۋي ويىن-ساۋىق تەحنولوگيالارى القابى ورنالاسادى. ال ول جەردە تۇراتىن حالىقتىڭ سانى 130 مىڭ ادامعا جەتەدى دەپ جوسپارلانعان. «الماتى-قاپشاعاي» تاس جولىنىڭ بويىندا ورنالاسقان «G4 City» بولاشاقتا اقىلدى قالاعا اينالادى دەگەن ءۇمىت بار. ول ءتورت اۋداننان تۇرادى: Gate District — بيزنەس-قارجى ورتالىعى, Golden District — ءبىلىم بەرۋ جانە مەديتسينالىق حاب, Growing District — وندىرىستىك جانە لوگيستيكالىق حاب, Green District — تۋريزم جانە ويىن-ساۋىق ورتالىعى.
G-4 City جوباسىن جۇزەگە اسىرۋ ءۇشىن 8302 گەكتار جەر قاراستىرىلىپ وتىر. اتاپ ايتقاندا, Gate City - 2 370 گا, Golden City - 1 869 گا, Growing City - 2 420 گا, Green City - 1 643 گا.
ىلە اۋدانى اۋماعىنداعى Gate City اۋدانىنا 341 جەر تەلىمى, ياعني 2370 گەكتار الىنادى. G-4 City جوباسىنىڭ باستاماشىلارىنا 45 گەكتار جەر جەكە مەنشىككە بەرىلگەنى اتاپ ءوتىلدى.
№2 Golden City بويىنشا 1869 گا 143 جەر تەلىمىن الىپ تاستاۋ كەرەك. ماسەلەن, مەملەكەتتىك جەر پايدالانۋشىلاردا 19 ۋچاسكە (500 گا), زاڭدى تۇلعالاردا التى ۋچاسكە (55,86 گا), جەكە تۇلعالاردا 71 ۋچاسكە (549,41 گا), G-4 City 47 ۋچاسكە (763,73 گا) بار.
«Growing City» اۋدانىن سالۋ ءۇشىن يەلىكتەن شىعارىلعان جەر تەلىمدەرىنىڭ سانى 179, اۋدانى 2420 گا. اتاپ ايتقاندا, مەملەكەتتىك جەر پايدالانۋشىلار – 65 ۋچاسكە (910,10 گا), زاڭدى تۇلعالار – 5 ۋچاسكە (72,34 گا), جەكە تۇلعالار – 71 ۋچاسكە (977,05 گا), G-4 City – 38 ۋچاسكە (الاڭى 460,49 گا).
قوناەۆ اۋماعىندا جاسىل قالا ءۇشىن 1643 گەكتار اۋماقتى قۇرايتىن 29 ۋچاسكە الىنادى. ونىڭ ىشىندە مەملەكەتتىك جەر پايدالانۋشىلاردا – 16 جەر ۋچاسكەسى (922,98 گا), زاڭدى تۇلعالاردا – ءۇش ۋچاسكە (568,3 گا), جەكە تۇلعالاردا – 10 ۋچاسكە (151,72 گا).
«ىلە اۋدانى اكىمدىگىنىڭ «ماجبۇرلەپ يەلىكتەن شىعارۋدى, ونىڭ ىشىندە مەملەكەت مۇقتاجى ءۇشىن جەر تەلىمدەرىن ساتىپ الۋ ارقىلى الۋدى باستاۋ تۋرالى» قاۋلىسى قابىلداندى», دەدى اكىمدىكتە.
سونىمەن قاتار, «بەرەكە» يندۋستريالىق ايماعىنىڭ شەكاراسىنا كىرەتىن جەر تەلىمدەرىن الۋ جۇمىستارى جۇرگىزىلۋدە. بۇل رەتتە «الماتى وبلىسىندا G-4 قالاسىن دامىتۋدىڭ باس جوسپارىنىڭ تۇجىرىمداماسىن بەكىتۋ تۋرالى» قاۋلى جوباسى ورتالىق مەملەكەتتىك ورگانداردىڭ قاراۋىندا جانە كەلىسۋدە ەكەنى اتاپ ءوتىلدى. بەكىتىلگەن قۇجات نەگىزىندە باس جوسپار ازىرلەنەدى. اكىمدىك قازىرگى ۋاقىتتا 1601,34 گەكتار جەردى رەزەرۆكە الۋ تۋرالى قاۋلىلار قابىلدانعانىن قوستى.
ەسكە سالايىق, الماتى وبلىسىنداعى G-4 City دامۋىنىڭ باس جوسپارىنىڭ ازىرلەنگەن تۇجىرىمداماسىنا سايكەس ول زاماناۋي تاقىرىپتىق ايماقتاردان تۇرادى. اقىلدى قالانى الماتى-قوناەۆ تاس جولىنىڭ بويىندا ورنالاستىرۋ جوسپارلانۋدا. سەرىكتەستىك قالادا 2,2 ميلليون تۇرعىن بولادى دەپ كۇتىلۋدە. 2050 جىلعا قاراي قالا 1,1 ميلليوننان استام جۇمىس ورنىن قامتاماسىز ەتەدى دەپ بولجانۋدا.
