«تۇراقسىزدىققا الىپ كەلەتىن تاعى ءبىر فاكتور – وڭىردەگى جەكەلەگەن ەلدەر اراسىنداعى شەكارا ماسەلەسىنىڭ رەتتەلمەۋى. شەكارا پروبلەماسى عاسىرلار بويى قالىپتاسقان دوستىق, ءوزارا سەنىم جانە تاتۋ كورشىلىك نەگىزىندە, سونداي-اق حالىقارالىق قۇقىق پەن بۇۇ جارعىسىنىڭ ىرگەلى قاعيداتتارىن مۇلتىكسىز ساقتاۋ ارقىلى تەك بەيبىت جولمەن شەشىلۋگە ءتيىس», دەپ اتاپ ءوتتى پرەزيدەنت.
سامميت بارىسىندا مەملەكەت باسشىسى تسيفرلاندىرۋ سالاسىنا دا توقتالىپ, بۇگىندە قازاقستان بۇۇ-نىڭ ەڭ تسيفرلانعان مۇشە مەملەكەتتەردىڭ وتىزىنا كىرەتىنىن تىلگە تيەك ەتتى.
«قازاقستان وسى سالادا بەلسەندى ءوزارا ءىس-قيمىل جاساۋعا جانە تاجىريبە الماسۋعا دايىن. وڭىرلىك جوبالارعا تىكەلەي جانە پورتفەلدىك ينۆەستيتسيالاردى ىنتالاندىرۋ ءۇشىن ءتيىمدى پلاتفورما «استانا» حالىقارالىق قارجى ورتالىعى بولا الادى. احقو الەمدىك قارجى ينستيتۋتتارىنىڭ ۇزدىك تاجىريبەسى مەن جاڭا قۇرالداردى بىرىكتىرەدى. ورتالىقتا 64 ەلدەن 1400 دەن استام كومپانيا تىركەلگەن», دەپ قوستى قاسىم-جومارت كەمەل ۇلى.
پرەزيدەنت ءوز سوزىندە ساۋدا-ەكونوميكالىق بايلانىستاردى ساقتاۋ, شاعىن جانە ورتا بيزنەستى قولداۋ شارالارىنا ەرەكشە نازار اۋدارۋ قاجەت ەكەنىن ايتتى.
«قازىرگى جاعدايدا قالىپتاسقان ساۋدا-ەكونوميكالىق بايلانىستاردى ساقتاۋ اسا ماڭىزدى. شاعىن جانە ورتا بيزنەستى قولداۋ شارالارىنا, ەنەرگەتيكا, ونەركاسىپ, كولىك-لوگيستيكا, اۋىل شارۋاشىلىعى سالالارىنداعى بىرلەسكەن جوبالاردى قولعا الۋعا ەرەكشە نازار اۋدارۋ قاجەت. بۇل رەتتە ساۋدا كەدەرگىلەرىن جويۋ جانە پروتەكتسيونيستىك شارالارعا جول بەرمەۋ ماڭىزدى. بىزگە وڭىرىشىلىك ساۋدا-ساتتىقتى دامىتۋعا باعىتتالعان كۇش-جىگەردى جانداندىرۋ قاجەت. بۇل جەردە تاۋار اينالىمىنىڭ قۇرىلىمىن جاقسارتۋعا جانە ونىڭ نومەنكلاتۋراسىن كەڭەيتۋگە ءمان بەرگەن ءجون», دەدى مەملەكەت باسشىسى.
