استانادا «بەلسەندى قالا تۇرعىندارى مەكتەبى» كۋرسىنا قاتىسۋشىلاردى قابىلداۋ ءجۇرىپ جاتىر.
«كۋرستارعا 9-10 سىنىپ وقۋشىلارى قاتىسا الادى. ساباقتار ەكى بولىمنەن تۇرادى. جوبالاردى ەگجەي-تەگجەيلى ازىرلەۋگە كىرىسپەس بۇرىن, وقۋشىلارعا اباتتاندىرۋ, قارجىلاندىرۋ پروتسەسى قالاي قۇرىلعانى جانە ءوز جوسپارىن قۇرۋ ءۇشىن نە قاجەت ەكەندىگى تۋرالى ايتىلادى. تەوريالىق بولىمنەن كەيىن قاتىسۋشىلار وزدەرىنىڭ تۇجىرىمدامالارىنىڭ سحەمالارىن جاساي باستايدى, ولار كوميسسيانىڭ قاراۋىنا جىبەرىلەدى. بالالار جۇمىسىنىڭ سوڭعى كەزەڭدەرى-ونلاين داۋىس بەرۋدەگى جەڭىس جانە سارىارقا اۋدانىنىڭ اۋماعىندا جوبانى ىسكە اسىرۋ بولادى», دەلىنگەن حابارلامادا.
ايتا كەتسەك, «بەلسەندى قالا تۇرعىندارى مەكتەبى» كۋرسىن ىسكە اسىرۋ «حالىق قاتىساتىن بيۋدجەت» رەسپۋبليكالىق جوباسىنا نەگىزدەلەدى. سوندىقتان بالالاردىڭ جوبالارى اۋداننىڭ باسقا تۇرعىندارىنىڭ جوبالارىمەن قاتار داۋىس بەرۋگە قويىلادى.
«بتم كۋرستارى ەنگىزىلىپ, ەلىمىزدىڭ باسقا قالالارىندا ءوز ناتيجەلەرىن كورسەتە الدى. الايدا, بۇل جولعى قاتىسۋشىلار العاش رەت بالالار بولىپ وتىر. مۇنداي جوبا بالالارعا مەكتەپ كەزىنەن باستاپ ءوز قالالارى ءۇشىن جاۋاپكەرشىلىكتىڭ بولۋىن دامىتۋعا جانە ولاردى استانانى جاقسارتۋعا باستاماشىلىق جاساۋعا ۇيرەتۋگە كومەكتەسەدى», دەلىنگەن سارىارقا اۋدانى اكىمدىگىنىڭ ءباسپاسوز قىزمەتى ۇسىنعان اقپاراتتا.
كۋرستار تەگىن وتكىزىلەدى. جوبا قاتىسۋشىلارىن ىرىكتەۋ 26 قازانعا دەيىن جالعاسادى. جازىلۋ ءۇشىن 8 701 225 74 64 ءنومىرى بويىنشا حابارلاسۋ قاجەت.
