«قۇجاتتارعا قول قويۋ ءراسىمى اياقتالعاندىقتان, ءبىزدىڭ وتىرىسىمىز ناتيجەلى بولدى دەپ مالىمدەۋگە تولىق نەگىز بار. اسىرەسە قۇجاتتاردى قابىلداۋدان باسقا, دەلەگاتسيا باسشىلارى تمد شەڭبەرىندەگى كوپجوسپارلى ءوزارا ءىس-قيمىلدىڭ كەڭ اۋقىمى بويىنشا, سونداي-اق حالىقارالىق كۇن ءتارتىبى بويىنشا وتە پايدالى پىكىرتالاس وتكىزدى دەپ ويلايمىن», دەدى قاسىم-جومارت توقاەۆ.
پرەزيدەنت وتىرىس شەڭبەرىندە زەردەلەنگەن ماسەلەلەر تمد كەڭىستىگىندەگى ىنتىماقتاستىقتى ودان ءارى دامىتۋعا جانە جەتىلدىرۋگە قىزمەت ەتەتىنىنە سەنىم ءبىلدىردى.
«تمد اتقارۋ كوميتەتىنىڭ قىزمەتكەرلەرىنە, ءبىزدىڭ ساراپشىلارعا, مەملەكەت باسشىلارى كەڭەسىنىڭ وتىرىسىن دايىنداۋعا جانە وتكىزۋگە تىكەلەي قاتىسقان تمد-نىڭ بارلىق ورگاندارىنا بىرلەسكەن جۇمىسى ءۇشىن العىسىمدى بىلدىرەمىن. مەملەكەت باسشىلارى كەڭەسىنىڭ وتىرىسى جابىق دەپ جاريالايمىن», دەپ قورىتىندىلادى مەملەكەت باسشىسى.
