UFC كەشتەرىندە 5 جەكپە-جەك وتكىزىپ, تەك بىرەۋىندە عانا جەڭىسكە جەتكەن وتانداسىمىز جالعاس جۇماعۇلوۆ وسى ۇيىمداعى التىنشى ايقاسىن 19 قاراشادا امەريكالىق چارلز دجونسونمەن (11-3) وتكىزەتىن بولدى. بۇل تۋرالى UFC-ءدىڭ الەۋمەتتىك جەلىدەگى رەسمي پاراقشاسى مالىمدەدى. چ.دجونسون ەڭ كەيىنگى كەزدەسۋىن انگليادا جەرگىلىكتى سپورتشى مۋحامماد موكاەۆپەن وتكىزىپ, ءۇش راۋندتىڭ قورىتىندىسى بويىنشا تورەشىلەردىڭ ءبىراۋىزدان شىعارعان شەشىمىمەن جەڭىلىپ قالعان ەدى.
جۇماعۇلوۆ پەن دجونسون اراسىنداعى كەزدەسۋ اقش-تىڭ لاس-ۆەگاس قالاسىندا ورنالاسقان (نەۆادا شتاتى) UFC Apex ارەناسىندا وتەدى دەپ جوسپارلانعان. قازاقستاندىق فايتەر 2020 جىلدىڭ شىلدەسىنەن باستاپ امەريكالىق پروموۋشەنمەن كەلىسىمشارتقا وتىرىپ, وسى ۇيىم اياسىندا جۇدىرىقتاسىپ كەلەدى.
