2022 جىلدىڭ باسىمەن سالىستىرعاندا نەسيەلەر كولەمىنىڭ ءوسىمى 18,6%-دى قۇرادى. ماسەلەن, وسى جىلدىڭ قاڭتار-تامىز ايلارىندا جەكە تۇلعالارعا بەرىلگەن نەسيەلەر كولەمى 2,0 ترلن تەڭگەگە (2022 جىلعى 1 قاڭتارعا +19%) ءوستى, ونىڭ 833,3 ملردى يپوتەكالىق نەسيەلەر كولەمىنىڭ وسۋىنە (+25) كەلدى.
ونىڭ 891,1 ملردى - تۇتىنۋشىلىق نەسيەلەر (+15%).
«سونداي-اق تۇتىنۋشىلىق نەسيەلەر قۇرىلىمىندا جەڭىلدەتىلگەن باعدارلاما بويىنشا اۆتونەسيە دە ەسكەرىلگەنىن اتاپ وتەمىز, وعان بيىل عانا 100 ملرد تەڭگە بولىنگەن, سونداي-اق قازاقستاندىقتاردىڭ تاۋاردى پايىزسىز ءبولىپ-ءبولىپ ساتىپ الۋى دا ەسكەرىلگەن», دەپ حابارلادى قارجىگەرلەر قاۋىمداستىعى.
ەكونوميستەردىڭ پىكىرىنشە, ءۇمىتسىز نەسيەلەردىڭ ۇلەسى دە ارتىپ كەلەدى,
2022 جىلعى 1 قىركۇيەكتەگى جاعداي بويىنشا 90 كۇننەن استام مەرزىمى وتكەن قارىزدار سوماسى 786,7 ملرد تەڭگەنى قۇرادى. بۇل 2022 جىلدىڭ 1 قاڭتارىمەن سالىستىرعاندا 117,9 ملرد تەڭگەگە نەمەسە 17,6%-عا ارتىق.
«قازىرگى ۋاقىتتا ەكىنشى دەڭگەيلى بانكتەردىڭ تۇتىنۋشىلىق نەسيەلەرى بويىنشا مەرزىمى وتكەن بەرەشەك كولەمى 3,6%-دى, مقۇ ءۇمىتسىز نەسيەلەرىنىڭ كولەمى 9,7%-دى قۇرايدى», دەپ ءتۇسىندىردى قازاقستان قارجىگەرلەر قاۋىمداستىعى.
