ء«بىز كۇش-جىگەرىمىزدى ارقاشان ادامدار ءۇشىن پايدالانۋىمىز كەرەك. ەكونوميكالىق شارالاردى ادامي ولشەمگە, ادام رەسۋرستارىن ۇنەمدەۋگە جانە دامىتۋعا باعىتتالعان جاعدايدا عانا ءتيىمدى دەپ ساناۋعا بولادى.
بيىلعى شىلدەدە استانادا جاستار كەڭەسىنىڭ وتىرىسىن ءساتتى وتكىزۋ وسى باعىتتاعى ءوزارا ءىس-قيمىل ءۇشىن ۇلكەن پەرسپەكتيۆالار بارىن كورسەتتى. وسىعان بايلانىستى 2024 جىلى استانادا جاستار كەڭەسىنىڭ قولداۋىمەن اوسشك ەلدەرىنىڭ ەرىكتىلەر قوزعالىسى كوشباسشىلارىنىڭ سلەتىن وتكىزۋدى ۇسىنامىن», دەدى قاسىم-جومارت توقاەۆ.
سونداي-اق پرەزيدەنت اوسشك-گە مۇشە مەملەكەتتەردىڭ جەتەكشى ۋنيۆەرسيتەتتەرىنىڭ سەرىكتەستىك جەلىسىن قۇرۋ ۇلكەن پەرسپەكتيۆالارعا جول اشاتىنىن ايتتى.
«وسى جەلى ارقىلى ءىت, نانوتەحنولوگيا جانە جاڭارتىلاتىن ەنەرگيا كوزدەرىندەگى ازىرلەمەلەرمەن الماسۋعا بولادى», دەدى مەملەكەت باسشىسى.
