وسىناۋ جىلدار ىشىندە ەكى ەلدىڭ اراسىندا 40-تان استام حالىقارالىق كەلىسىمدەر مەن شارتتارعا قول قويىلعان. قوس مەملەكەت اراسىنداعى ساۋدا-ەكونوميكالىق, عىلىمي-تەحنيكالىق جانە مادەني ىنتىماقتاستىق بايلانىس نىعايا تۇسكەنىن اتاپ وتكەن ءجون.
ديپلوماتيالىق قاتىناستىڭ 30 جىلدىعىنا وراي بىرقاتار ءىس-شارا جوسپارلانعان. بۇگىن موڭعوليانىڭ قازاقستانداعى ەلشىلىگىنىڭ عيماراتىندا موڭعوليا پرەزيدەنتىنىڭ جارلىعىمەن موڭعوليا مەن قازاقستان ىنتىماقتاستىعىنىڭ دامۋىنا قوسقان ەلەۋلى ۇلەسى ءۇشىن قازاقستاننىڭ ەكى ازاماتىنا ماراپاتتار تابىستالدى. اتاپ ايتساق, ساياساتكەر, QazaqGeography قوعامىنىڭ اتقارۋشى ديرەكتورى ورمان نۇرباەۆ موڭعوليانىڭ «التىن جۇلدىز» وردەنىنە يە بولدى. ال حالىقارالىق تۇركى اكادەمياسىنىڭ عىلىمي قىزمەتكەرى, عالىم اقەدىل تويشان ۇلى «دوستىق» وردەنىمەن ماراپاتتالدى.
ماراپاتتاۋ سالتاناتىنا موڭعوليا پرەمەر-ءمينيسترىنىڭ ورىنباسارى سايانبۋيان امارسايحان جانە اقپارات جانە قوعامدىق دامۋ ءمينيسترى دارحان قىدىرالى قاتىستى.
