مىسالى, «Eurasia Group Kazakhstan» جشس ۇسىنىسىمەن «اۋىل شارۋاشىلىعىن مەحانيكالاندىرۋ» ماماندىعى بويىنشا ءبىلىم بەرۋ باعدارلامالارىنا اۋىل شارۋاشىلىعى تەحنيكاسىنىڭ ەلەكتريكا, گيدراۆليكا, ترانسميسسيا, ناۆيگاتسيا جانە وتىن جۇيەلەرى بولىمدەرىن وقىتۋ قوسىلدى.
«بارلىق ءبىلىم بەرۋ باعدارلاماسى مجمبس جانە كاسىپتىك ستاندارتتاردىڭ سايكەستىگىنە ساراپتامادان ءوتىپ, ءارى قاراي ءبىلىم بەرۋ باعدارلامالارىنىڭ تىزىلىمىنە ەنگىزەدى. وسىلايشا, ءبىلىم بەرۋ باعدارلامالارىن ساراپتاۋ بۇگىنگى ەڭبەك نارىعىنىڭ قاجەتتىلىكتەرىنە جانە تالاپتارىنا سايكەس كەلەتىن باعدارلامالاردى تاڭداۋعا مۇمكىندىك بەردى. وقىتۋدىڭ مىناداي باعىتتارى بويىنشا ءبىلىم بەرۋ باعدارلامالارى ازىرلەندى: ينجەنەرلىك, وڭدەۋ جانە قۇرىلىس تەحنولوگيالارى, ءبىلىم بەرۋ, قىزمەت كورسەتۋ سالاسى, قارجى جانە قۇقىق, اقپاراتتىق-كوممۋنيكاتسيالىق تەحنولوگيالار (اكت) جانە ت.ب. ازىرلەنىپ جاتقان ءبىلىم بەرۋ باعدارلامالارىنىڭ وزەكتىلىگى مەن ساپاسىن قامتاماسىز ەتۋ ءۇشىن كوللەدجدەر جانىنداعى يندۋستريالىق كەڭەستەر سانىن ۇلعايتۋ جونىندە شارالار قابىلداندى. بۇرىن ولاردىڭ سانى 513 بولسا, قازىر 578-گە جەتىپ وتىر. ياعني ءبىلىم بەرۋ باعدارلامالارىن ازىرلەۋگە اتسالىساتىن جۇمىس بەرۋشىلەر سانى كوبەيىپ كەلەدى», دەدى وقۋ-اعارتۋ مينيسترلىگى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ناسىمجان وسپانوۆا.
