كەمشىلىكتەر مەن قايشىلىقتار كوپ

كەشە باس پروكۋراتۋرانىڭ كەزەكتى القا ءماجىلىسى ءوتىپ, وندا جول قاۋىپسىزدىگىن قامتاماسىز ەتۋ ماسەلەلەرى, سونداي-اق جەكەلەگەن مەملەكەتتىك ورگاندارداعى اكىمشىلىك زاڭداردى قولدانۋداعى زاڭدىلىقتىڭ جاي-كۇيى قاراستىرىلدى. وعان پرەزيدەنت اكىمشىلىگىنىڭ, پرەمەر-مينيستر كەڭسەسىنىڭ, جوعارعى سوتتىڭ وكىلدەرى, ادىلەت, ىشكى ىستەر, دەنساۋلىق ساقتاۋ, توتەنشە جاعدايلار  مينيسترلىكتەرىنىڭ جاۋاپتى ادامدارى جانە باسقالار قاتىستى. قۇزىرەتتى ورگانداردىڭ قول­دا­نىپ وتىرعان شارالارىنا قارا­ماس­تان, اۆتوموبيل قوزعا­لىسى سالا­سىندا اپاتتى جاع­دايلار مەن ادام شىعىندارى تۇبەگەيلى جوي­ىل­ماي وتىر. وسىعان وراي, القاعا قاتىسۋ­شى­لار قارالىپ وتىرعان ماسەلەنىڭ جانە وعان قاتىستى زاڭداردى ودان ءارى جەتىلدىرۋدىڭ, ۋاكىلەتتى مەملە­كەتتىك ورگانداردىڭ قىز­مەتتەرىنىڭ تيىمدىلىگىن كوتەرۋ­دىڭ وزەكتىلىگىن اتاپ كورسەتتى. جول پوليتسياسى ورگاندارىنىڭ اپاتتى­لىقتىڭ جالپى كورىنىسىن بەرەتىن ەسەپكە الۋ-تىركەۋ جۇمىسىنداعى ەلەۋلى كەمشىلىك­تەرى دە قاداپ ايتىلدى. سونداي-اق, القاعا قاتىسۋ­شى­لار جول پوليتسياسى, كەدەن كو­مي­تەتى, توتەنشە جاعدايلار مي­نيستر­لىگىنىڭ ءورت قاداعالاۋ, مەملەكەتتىك ءساۋ­لەت-قۇرىلىس باقىلاۋ ورگان­دارى­نىڭ اكىمشىلىك زاڭدارىن قولدانۋ كەزىندەگى ازاماتتاردىڭ كونستيتۋتسيالىق قۇقىقتارىن قامتاماسىز ەتۋ ماسەلەلەرىن دە تال­قىلادى. باس پروكۋرور ق.ءمامي ۋاكىلەتتى ورگانداردان جول قاۋىپ­سىزدىگىنىڭ جوعارى دەڭگەيىن قام­تاماسىز ەتۋدى, ۆەدومستۆولىق اك­تى­لەردە ورىن الىپ وتىرعان ولقى­لىق­تار مەن قاراما-قايشى­لىق­تاردى جويۋدى, سونداي-اق اكىم­شى­لىك ماتەريال­داردى قاراۋ بارى­سىن­دا زاڭدى­لىقتىڭ بۇزىلۋ فاك­تىلەرىن بول­دىرماۋدى تالاپ ەتتى. وسىنىڭ ناتيجەسىندە جول قوز­عا­لى­سى سالاسىنداعى ەسەپكە الۋ-تىركەۋ ءتارتىبىن جەتىلدىرۋگە, وسى با­عىت بويىنشا ۆەدومستۆولىق با­قىلاۋ مەن پروكۋرورلىق قاداعا­لاۋ­دى كۇشەيتۋگە, سونداي-اق اكىم­شىلىك وندىرىسكە تارتىلعان ازامات­تاردىڭ قۇقىقتارىن قورعاۋعا با­عىتتالعان شەشىم قابىلداندى, دەپ حابار­لادى باس پروكۋراتۋرانىڭ باسپا­سوز قىزمەتى.