«2011 جىلعى 19 جەلتوقسانداعى كەدەن وداعىنىڭ كەدەندىك شەكاراسى ارقىلى قولما-قول اقشا قاراجاتىن جانە (نەمەسە) اقشا قۇرالدارىن وتكىزۋ كەزىندە قىلمىستىق جولمەن الىنعان كiرiستەردi زاڭداستىرۋعا (جىلىستاتۋعا) جانە تەرروريزمدi قارجىلاندىرۋعا قارسى iس-قيمىل تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» ءبىرىنشى زاڭ جوباسى شارت ەرەجەلەرىن جۇزەگە اسىرۋعا جانە ونى ەاەو اياسىنداعى باسقا دا سالالىق شارتتارمەن سايكەستەندىرۋدى كوزدەيدى.
قۇجات وسى سالاداعى ەۋرازيالىق ەكونوميكالىق وداققا مۇشە ەلدەردىڭ ءوزارا ءىس-قيمىل تەتىكتەرىن جەتىلدىرۋگە مۇمكىندىك بەرەدى دەپ كۇتىلۋدە.
«ەۋرازيالىق ەكونوميكالىق وداقتىڭ كەدەندىك شەكاراسى ارقىلى قولما-قول اقشا قاراجاتىن جانە (نەمەسە) اقشا قۇرالدارىن وتكىزۋ كەزىندە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل سالاسىندا اقپارات الماسۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى ءوز كەزەگىندە, ەاەو-عا مۇشە مەملەكەتتەردىڭ شەكاراسى ارقىلى ادامداردىڭ اقشالاي قاراجاتىنىڭ قوزعالىسى بويىنشا اقپاراتتىق ءوزارا ءىس-قيمىلدى كۇشەيتۋگە باعىتتالعان.
زاڭ جوباسى كەدەندىك دەكلاراتسيادا كورسەتىلگەن اقشانى نەمەسە اقشا قۇرالدارىن وتكىزەتىن جەكە تۇلعالار تۋرالى اقپارات الماسۋعا مۇمكىندىك بەرەدى. سونىمەن قاتار بۇل كاپيتالدىڭ زاڭسىز اكەتىلۋىنە جول بەرمەۋ تۋرالى شارتقا قاتىسۋشىلارعا قويىلاتىن بىرىڭعاي تالاپتاردى جانە وعان قارسى ءىس-قيمىل تەتىكتەرىن انىقتاۋعا, سونداي-اق ەاەو ەلدەرىندە كاپيتالدى زاڭسىز شىعارۋدىڭ الدىن الۋ بويىنشا جۇمىستى كۇشەيتۋگە كومەكتەسەدى.
كوميتەت مۇشەلەرى تالقىلاۋ قورىتىندىسى بويىنشا زاڭ جوباسىن پالاتا وتىرىسىنىڭ قاراۋىنا جىبەرۋ تۋرالى شەشىم قابىلدادى.
