ءمينيستردىڭ ايتۋىنشا, نان باعاسىنا قۇرامداس بولىكتەردىڭ, ەلەكتر ەنەرگياسىنىڭ, ديزەل وتىنىنىڭ جانە كوممۋنالدىق قىزمەتتەردىڭ قىمباتتاۋى سەبەپ بولعان.
«قاڭتار ايىنان باستاپ ءبىز باعانى تۇراقتاندىرۋ ءۇشىن بارلىق شارالاردى قابىلداپ جاتىرمىز. جالپى, ۇلكەن سەرپىلىس ءۇشىن ەشقانداي سەبەپ جوق, ويتكەنى وتكەن جىلمەن سالىستىرعاندا بيىل ۇن كوبىرەك وندىرىلەدى. بيىل بىزدە بيداي كوپ», دەدى ەربول قاراشوكەەۆ.
ونىڭ ايتۋىنشا, بيىل اشم تۇراقتاندىرۋ قورىنا 1,1 ملن توننا استىق جيناۋدى جوسپارلاپ وتىر, ونىڭ 900 مىڭ تونناسى - بيداي.
«ازىق-ت ۇلىك كورپوراتسياسىندا» بار قورلاردى ەسكەرە وتىرىپ, ءبىز الەۋمەتتىك ماڭىزى بار ازىق-ت ۇلىك ونىمدەرىنىڭ, ونىڭ ىشىندە الەۋمەتتىك ۇننىڭ باعاسىن تۇراقتاندىراتىن بولامىز», دەپ قوستى مينيستر.
سونداي-اق مينيستر بيىلعى جىلى استىق باعاسى جىلدىڭ ورتاسىمەن سالىستىرعاندا تومەندەگەنىن اتاپ ءوتتى.
بۇعان دەيىن قازاقستاندا ناننىڭ باعاسى ءبىر جىلدا 19%-عا وسكەنى حابارلانعان ەدى. ساراپشىلاردىڭ ايتۋىنشا, ناننىڭ باعاسى ەلدىڭ بارلىق ايماقتارىندا ءبىرشاما قىمباتتادى.
