تۋرنير كەستەسىندە كوش باستاپ تۇرعان «اقتوبە» 22-تۋردا ءوز الاڭىندا اقتاۋدىڭ «كاسپيىن» قابىلداپ, 4:0 ەسەبىمەن جەڭىسكە جەتتى. سونداي-اق چەمپيوندىق جارىستا «اقتوبەنى» وكشەلەپ كەلە جاتقان «استانا» دا ەلوردادا شىمكەنتتىڭ «ورداباسى» كلۋبىنىڭ قاقپاسىنا جاۋاپسىز التى گول سوقتى. ال ءۇشىنشى ورىنداعى بىلتىرعى ەل چەمپيونى «توبىل» كۇتپەگەن جەردە پاۆلوداردا جەرگىلىكتى «اقسۋدان» 3:0 ەسەبىمەن جەڭىلىپ قالدى.
جوعارى توپتاعى ورنىن ساقتاپ قالۋ ءۇشىن جانتالاسىپ جاتقان «ماقتاارال» مەن «اقجايىق» اراسىنداعى باسەكەدە تۇركىستان وبلىسىنىڭ كومانداسى ماڭىزدى ءۇش ۇپايىن ولجالادى – 1:0. «قايرات» سىرت الاڭدا «اتىراۋدان» باسىم ءتۇستى – 2:1. ال «تاراز» – «قىزىلجار» (0:0) جانە «شاحتەر» – «تۇران» (0:0) ماتچتارىندا ەسەپ اشىلعان جوق.
تۋرنير كەستەسىندە «اقتوبە» 45 ۇپايمەن چەمپيوندىققا جاقىنداپ كەلەدى. ەكىنشى ورىنداعى «استانانىڭ» ەنشىسىندە 41 ۇپاي بار. ال «ماقتاارال» 21 ۇپايمەن كوش سوڭىندا تۇر.
