ء«بىز ەگەمەندىگىمىزدى ساقتاي الساق قانا ۇلت بولىپ, ەل بولىپ وتىرا الامىز. تاۋەلسىز مەملەكەت قانا ءوزىنىڭ ءتىلىن, جەرىن, ءدىنىن, ءدىلىن ساقتاپ قالا الادى», دەدى پرەزيدەنت سوزىندە. شىنىندا تاۋەلسىزدىكتىڭ ارقاسىندا عانا قازاق حالقى بيىك اسۋلارعا جەتىپ وتىر, قازىر ءبىزدى الەم تانىدى, قازاقتىڭ ونەرىنە عالام قول سوقتى. ەگەر ءبىز ءالى دە بىرەۋگە سەلبەسىپ جۇرگەن بولساق ۇلتتىق قۇندىلىقتارىمىز ەشكىمگە بىلىنبەي, ءوزىمىز دە ونى قورعاي الماي, جىلدان-جالعا جوعالىپ كەتەر ەدى. وندايدى ءبىز باستان وتكىزدىك. قازىر سول جوعالتقاندارىمىزدى جاڭعىرتۋدامىز.
پرەزيدەنت ايتقانداي «تاۋەلسىزدىك – ءبىزدىڭ ەڭ باستى قۇندىلىعىمىز». بارلىق قازاقستان حالقى ءبىر جاعادان باس, ءبىر جەڭنەن قول شىعارىپ, تاۋەلسىزدىگىمىزدىڭ نىعايا تۇسۋىنە قولىمىزدان كەلگەن كومەگىمىزدى جاساۋىمىز كەرەك. ءبىزدىڭ شارۋاشىلىعىمىزدا جۇزدەن ارتىق ادام جۇمىس ىستەيدى. شارۋاشىلىقتىڭ ورتالىعى – نوعايباي اۋىلى, ءبىز وعان شارۋاشىلىعى تۇرالاپ, جاعدايلارى جۇدەپ قالعان بىرلىك, دۇيسەكە, نادەجكا سەكىلدى اۋىلداردىڭ دا جەرىن تۇرعىنداردىڭ وتىنىشتەرىمەن قوسىپ, بارلىعى 25 مىڭ گەكتارداي جەرگە ءدان ەگەمىز. بيىلعى تابىسىمىز دا مول بولدى. حالىققا تيەسىلى پايلارىن ۋاقىتىندا بەرىپ جاتىرمىز. جەردى تابىس كوزى ەكەن دەپ سورا بەرۋگە بولمايدى, ونى ۇنەمى تىڭايتىپ, جاساڭعىراتىپ وتىرۋ كەرەك. ءبىز پارعا قالدىرعان جەرگە ۇنەمى مينەرالدى تىڭايتقىشتار سەۋىپ, جەردى تىڭايتىپ وتىرامىز. جەر كۇتۋدە ءبىلىمنىڭ جەتىستىكتەرىن پايدالانۋعا تىرىسامىز. عىلىمنىڭ جەتىستىكتەرىن قولدانباساق, جاڭا امال-تاسىلدەردى ەنگىزبەسەك, بىلىكتى مامانداردى شارۋاشىلىققا تارتپاساق, ءبارىبىر ارتتا قالعان بولار ەدىك. سوندىقتان ءبىز وسى ىسكە قاتتى ءمان بەرىپ, الدىڭعى قاتارلى تەحنيكالار مەن تەحنولوگيالاردى وندىرىسكە ەنگىزىپ كەلەمىز. پرەزيدەنت تە وسىنى ايتىپ, «قازاقستان جاھاندىق ەكونوميكاداعى ۇردىستەرگە ساي بولۋعا ءتيىس. بىزگە دە وسى عىلىمي-تەحنولوگيالىق جاڭاشىلدىقتى əكەلىپ, وندىرىسكە قوساتىن جاڭا ءəرى بىلىكتى ماماندار كەرەك», دەدى.
كەشەگى سوزىندە پرەزيدەنت ق.توقاەۆ «مەملەكەت مۇددەسى دەگەنىمىز – حالىقتىڭ مۇددەسى. سوندىقتان بارلىق شەشىمدەر, جوبالار, زاڭدار مەن جارعىلار ەل مۇددەسىن قورعاۋعا ارنالادى. تۋعان ەلگە جاناشىرلىق əر ازاماتقا تəن قاسيەت بولۋعا ءتيىس», دەدى. ءبىز دە تۋعان ەلگە جاناشىرلىق جاساپ, اۋىلدىڭ ءاربىر تۇرعىنىنا سۋ تارتىپ بەردىك. جىلۋ دا ورتالىقتاندىرىلعان. قازىر ءبىزدىڭ شارۋاشىلىقتاعى اۋىل ۇيلەرى قالانىكىنەن كەم ەمەس. ۇيگە سۋ كەلىپ تۇرعان سوڭ سۋ جىلىتقىشتى دا, جىلى اجەتحانانى دا ءبارى ورناتىپ العان. اۋىلدىڭ جولى دا جارقىراعان تاسجول. قىسى-جازى اۋىلعا جەتە الماي قالۋ سياقتى پروبلەمالار ارتتا قالعان. ەلگە جاساعان جاناشىرلىعىمىز دا كوزگە ىلىنبەي قالعان جوق. 2018 جىلى «رۋحاني جاڭعىرۋ» باعدارلاماسى بويىنشا بەرىلگەن «جومارت جۇرەك» سىيلىعىن, 2020 جىلى «حالىقتىڭ سۇيىكتىسى» ۇلتتىق سىيلىعىن جانە سول جىلى «جىلدىڭ ۇزدىك فەرمەرى» اتالىمى بويىنشا رەسپۋبليكالىق سىيلىق الدىق. «قۇرمەت» وردەنىن دە لايىقتى دەپ تانىلدىق. ءوز باسىم وسىنداي جەتىستىكتەرمەن قاسىم-جومارت كەمەل ۇلى تالاپ ەتكەن ۇردىسكە ساي بولامىز عوي دەپ سانايمىن. الداعى سايلاۋعا مەن ءوز كانديداتىمدى ناقتى بەلگىلەدىم. ول ءبىزدى تۋرا جولعا باستاۋشى ناعىز كوشباسشىمىز ەكەنى داۋسىز.
التىنبەك ساپاروۆ,
«نوعايباي» جشس باس ديرەكتورى,
وبلىستىق ءماسليحات دەپۋتاتى
سولتۇستىك قازاقستان وبلىسى
