سۇحبات بارىسىندا ۇقشۇ جاۋاپكەرشىلىك ايماعىنداعى قازىرگى جاعداي ءسوز بولدى. ۇيىم شەڭبەرىندەگى ىنتىماقتاستىقتىڭ نەگىزگى باعىتتارى بويىنشا كەڭ اۋقىمدى ماسەلەلەر تالقىلاندى.
س.زاس ارمەنيا رەسپۋبليكاسىندا 2022 جىلعى قاراشادا بولاتىن ۇقشۇ ۇجىمدىق قاۋىپسىزدىك كەڭەسىنىڭ سەسسياسىنا جانە سىرتقى ىستەر مينيسترلەرى كەڭەسىنىڭ, قورعانىس مينيسترلەرى كەڭەسىنىڭ جانە قاۋىپسىزدىك كەڭەستەرى حاتشىلارى كوميتەتىنىڭ بىرلەسكەن وتىرىسىنا دايىندىق بارىسى تۋرالى مالىمدەدى.
م.تىلەۋبەردى ۇقشۇ قىزمەتىنىڭ ءتۇرلى اسپەكتىلەرى بويىنشا قازاقستاننىڭ ۇستانىمى تۋرالى حاباردار ەتىپ, اتالعان حالىقارالىق ۇيىمنىڭ ودان ءارى دامۋى تۋرالى كوزقاراسىمەن ءبولىستى.
ۇقشۇ 2002 جىلى قۇرىلعان حالىقارالىق وڭىرلىك ۇيىم. ونىڭ قۇرامىنا قازاقستانمەن قاتار ارمەنيا, بەلارۋس, قىرعىزستان, رەسەي جانە تاجىكستان كىرەدى.
