«قوستاناي وبلىسىندا ورىن العان تابيعي ورتتەر جويىلدى جانە ولار بويىنشا تەحنيكالىق تەكسەرۋلەر جۇرگىزىلگەن 91 تۇرعىن ءۇي قالپىنا كەلتىرۋگە جاتپايدى. اپات سالدارىن جويۋ ماقساتىندا ۇكىمەت 2,27 ملرد تەڭگە سوماسىندا قاراجات ءبولدى (ۇكىمەتتىڭ 2022 جىلعى 9 قىركۇيەكتەگى قاۋلىسى 672), ولار 91 تۇرعىن ءۇي (جالپى اۋدانى 100 شارشى مەتر ءبىر قاباتتى ءتورت بولمەلى تۇرعىن ۇيلەر) جانە ءورت سالدارىنان زارداپ شەككەندەر ءۇشىن ينجەنەرلىك ينفراقۇرىلىم سالۋعا باعىتتالعان», دەپ جازدى ءاليحان سمايىلوۆ دەپۋتاتتار جولداعان ساۋالدىڭ جاۋابىندا.
ۇكىمەت باسشىسى «قازقسعزي» اق جانە «مەمساراپتاما» رمك ينستيتۋتتارى تۇرعىن ۇيلەر مەن ينجەنەرلىك جەلىلەردىڭ جوبالارىن ازىرلەگەنىن ايتتى.
«بارلىق ۇيلەر قاجەتتى ينفراقۇرىلىممەن, ياعني سۋمەن, گازبەن, ەلەكترمەن جابدىقتاۋمەن, سونداي-اق كىرمە جولدارمەن قامتاماسىز ەتىلەدى. قوستاناي وبلىسى اكىمدىگىنىڭ اقپاراتى بويىنشا بۇگىنگى تاڭدا 13 مەردىگەر ۇيىمنىڭ كۇشىمەن تۇرعىن ۇيلەر مەن ينجەنەرلىك جەلىلەردىڭ قۇرىلىس-مونتاجداۋ جۇمىستارى جۇرگىزىلۋدە», دەپ قوستى مينيسترلەر كابينەتىنىڭ باسشىسى.
