«اۋىلداعى نىساندارعا تۇگەندەۋ جۇرگىزىلىپ, ناتيجەسىندە 200-دەن استام ەلدى مەكەندە مەديتسينالىق پۋنكت جوق, 400-گە جۋىق اۋىلدا مەديتسينالىق مەكەمەلەر جالعا الىنعان نەمەسە اپاتتى, بەيىمدەلگەن عيماراتتاردا ورنالاسقان», دەدى اجار عينيات ۇكىمەت ساعاتىندا.
ايتۋىنشا, اۋىلدارداعى مەديتسينالىق ينفراقۇرىلىمداردىڭ جارتىسىنان كوبىنىڭ توزىعى جەتكەن. سونداي-اق اۋىلداردا مامان تاشىلىعى كورىنىس تابۋدا – 1,7 مىڭنان استام مەديتسينا قىزمەتكەرى, ونىڭ ىشىندە 1 مىڭنان استام دارىگەر, 734 مەدبيكە جەتىسپەيدى.
اۋىل تۇرعىندارى اراسىندا تىنىس الۋ ورگاندارى اۋرۋلارى ءجيى كەزدەسەدى. ول – 42,7% قۇراسا, بۇل 100 000 تۇرعىنعا شاققاندا 17164,4 ادام دەپ كورسەتتى.
قازاقستانداعى اۋىلدىق دەنساۋلىق ساقتاۋدىڭ تاعى دا باسقا پروبلەمالارى – باقىلاۋ ديناميكاسىنىڭ ساپاسىنىڭ تومەندىگى, كونسۋلتاتسيالىق-دياگنوستيكالىق قىزمەتتەردىڭ تومەن قولجەتىمدىلىگى.
«سونىمەن قاتار سوزىلمالى دەرتكە شالدىققان ناۋقاستاردى قىمبات ءدارى-دارمەكپەن قامتاماسىز ەتۋ – قالا تۇرعىندارىنا قاراعاندا اۋىل تۇرعىندارى اراسىندا ەكى ەسە از. بىرقاتار اۋىلدا ءدارىحانا جوق», دەدى دەنساۋلىق ساقتاۋ ءمينيسترى.
جانسايا ءانۋار
