«كوروناۆيرۋستىق پاندەميا جىلدارىندا شەكتەۋ شارالارىنا بايلانىستى اۋىل تۇرعىندارىنا مامانداندىرىلعان مەديتسينالىق كومەكتىڭ قولجەتىمدىلىگى تومەندەدى. وسىعان بايلانىستى اۋرۋلاردى ەرتە انىقتاۋ جانە دەر كەزىندە ەمدەۋ ءۇشىن اۋقىمدى پروفيلاكتيكالىق تەكسەرۋلەر ەنگىزىلۋدە. 15 قىركۇيەكتەن باستاپ قاراعاندى وبلىسىنىڭ اباي اۋدانىنىڭ, اقمولا وبلىسىنىڭ ارشالى اۋدانىنىڭ جانە الماتى وبلىسىنىڭ ەڭبەكشىقازاق اۋدانىنىڭ ورتالىق اۋداندىق اۋرۋحانالارىندا پيلوتتىق جوبا جۇرگىزىلۋدە. ەندى 20 قازاننان باستاپ بۇكىل ەل بويىنشا اۋىلداردا پروفيلاكتيكالىق تەكسەرۋلەر جۇرگىزىلەدى», دەدى مينيستر ۇكىمەت ساعاتىندا.
ونىڭ ايتۋىنشا, پروفيلاكتيكالىق تەكسەرۋلەر جۇرەك-قانتامىر جۇيەسى اۋرۋلارى, قانت ديابەتى, اسقازان مەن بۇيرەك سوزىلمالى اۋرۋلارىنىڭ باستاپقى كەزەڭدەرىن انىقتاۋعا باعىتتالعان.
دەنساۋلىق ساقتاۋ مينيسترلىگىنىڭ باسشىسى سونداي-اق 18 جاسقا دەيىنگى بالالارعا زەرتحانالىق زەرتتەۋدىڭ قوسىمشا جالپى كلينيكالىق ادىستەرى ەنگىزىلگەنىن ايتتى.
«امبۋلاتورلىق دەڭگەيدە قالالىق جانە اۋىلدىق ناۋقاستاردى بىردەي تەگىن قامتاماسىز ەتۋ ءۇشىن جاعدايلار جاسالدى. دارىلىك زاتتار امبۋلاتوريالىق-ەمحانالىق ءدارى-دارمەكپەن قامتاماسىز ەتۋدىڭ بىرىڭعاي تىزبەسى بويىنشا قامتاماسىز ەتىلەدى. اۋىلدىق جەردە دارىگەر بولماعان جاعدايدا فەلدشەر تەگىن رەتسەپت جازىپ بەرۋگە قۇقىلى. ءدارىحاناسى جوق اۋىلدىق ەلدى مەكەندەردە ءدارى-دارمەكتى مەديتسينالىق قىزمەتكەر العاشقى مەديتسينالىق-سانيتارلىق كومەك كورسەتۋ مەكەمەلەرى ارقىلى, سونداي-اق جىلجىمالى ءدارىحانا پۋنكتتەرى ارقىلى تەگىن جىبەرەدى», دەپ تولىقتىردى مينيستر.
جانسايا ءانۋار
